Helgi Hlynur leiðir lista Vinstri grænna í Múla­þingi

Helgi Hlynur, sem er útvegsbóndi og sveitarstjórnarfulltrúi, kom inn í sveitarstjórn þegar Jódís Skúladóttir tók sæti á Alþingi í haust. 

Listi VG í Múlaþingi er þriðji hreini VG listinn sem kynntur er fyrir sveitarstjórnarkosningarnar 14. maí og er mikill hugur í leiðtogum listans, að því er segir í fjölmiðlatilkynningu.

Ásrún Mjöll Stefánsdóttir, húsasmiður og mannfræðingur á Seyðisfirði er í öðru sæti listans og Pétur Heimisson læknir í því þriðja. 

Helgi Hlynur segir stór verkefni blasa við í sveitarstjórn, að standa með íbúum og náttúrunni gegn því virkjanaáhlaupi sem nú ríður yfir. 

Áform um fiskeldi í Seyðisfirði gegn vilja þorra íbúa vilji Vinstri græn stöðva. 

„Við erum VG framboð og ætlum að standa vörð um fjölskyldur, velferðarþjónustu og heildarhagsmuni fram yfir sérhagsmuni,“ segir hann.

Listi Vinstri grænna í Múlaþingi:

1. Helgi Hlynur Ásgrímsson
2. Ásrún Mjöll Stefánsdóttir
3. Pétur Heimisson
4. Þuríður Elísa Harðardóttir
5. Guðrún Ásta Tryggvadóttir
6. Hulda Sigurdís Þráinsdóttir
7. Þórunn Hrund Óladóttir
8. Ásgrímur Ingi Arngrímsson
9. Rannveig Þórhallsdóttir
10. Kristján Ketill Stefánsson
11. Kristín Sigurðardóttir
12. Ruth Magnúsdóttir
13. Skarphéðinn Þórisson
14. Ania Czeczko
15. Guðlaug Ólafsdóttir
16. Lára Vilbergsdóttir
17. Kristín Amalía Atladóttir
18. Karen Erla Erlingsdóttir
19. Heiðdís Halla Bjarnadóttir
20. Ágúst Guðjónsson
21. Daniela Gscheidel
22. Guðmundur Ármannsson