Meðferðir Even Labs bættu lífsgæðin

„Ég er mjög slæm af vefjagigt og lifi við sársauka á hverjum degi. Ég hafði heyrt að rauðljósameðferðir hjálpuðu gigtarsjúklingum og lesið rannsóknir og greinar um áhrif slíkra meðferða á verki. Ég varð því mjög spennt þegar ég frétti af Even Labs og þeirra meðferðum en ég hafði ekki séð þær í boði annarsstaðar hérlendis. Ég mætti því bara á staðinn og sagði þeim stöðuna á mínum málum og fékk frábæra ráðgjöf og persónulega þjónustu,“ segir Katrín Bjarkadóttir en hún hefur nýtt sér fjölbreyttar meðferðir hjá Even Labs með góðum árangri.

„Ég mætti í rauðljósameðferðina á hverjum degi en meðferðin sjálf tekur ekki nema 15 mínútur. Eftir fimm skipti tók ég eftir að exem sem ég er með í andlitinu lagaðist svo ég gat hætt að nota krem sem ég hef þurft að nota til að halda því niðri. Eftir nokkur skipti í viðbót fann ég einnig mikinn mun á gigtarverkjunum. Ég ákvað að prófa fleiri meðferðir og bætti við Sweat spa en gigtarsjúklingar eru mjög oft stirðir og kuldi fer afar illa í mann. Í Sweat spa liggur maður í hita í 40 mínútur og vöðvarnir verða mjúkir inn að beini,“ útskýrir Katrín.

„Ég var einnig oft það aum í líkamanum vegna vefjagigtarinnar að ég þoldi illa að fara í nudd en hjá Even Labs gat ég prófað Normatec meðferðina, sem er sogæðanudd með þrýstingi. Það hentaði mér mjög vel því sogæðanuddið þrýstir á allt svæðið í einu í smá stund og sleppir svo. Þetta er áreynslulaust nudd ef svo má segja. Með því að stunda þessar þrjár meðferðir finn ég ótrúlega mikinn mun og líður miklu betur í líkamanum. Ég stunda þær eftir þörfum og finn mun ef það líður of langt á milli. Ég mæli hiklaust með Even Labs.“

Meðferðir Even Labs

• Rauðljósameðferð með tvennskonar bylgjulengdum: 660 nm og 850 nm. 660 nm ljósið hefur jákvæð áhrif á húðina og hefur meðal annars gagnast við exemi í húð, psoriasis og rósroða. Meðferðin flýtir einnig fyrir því að húð grói. Ljósið ýtir undir náttúrulega myndun kollagens í húðinni og minnkar fínar línur. 850nm ljósið fer dýpra inn í vefina, hitar þá og mýkir og eykur blóðflæði og minnkar bólgur.
• Sweat Spa: Viðkomandi er vafinn í plast og infrarautt teppi sem hitnar upp í 75 til 85 gráður. Líkaminn svitnar mjög mikið við þessa meðferð og er mikilvægt að drekka vatn meðan á meðferð stendur.
• Kuldameðferð: Kalt loft er látið flæða um andlit. Meðferðin minnkar bólgur og eykur kollagenframleiðslu, minnkar bólur og snýr við skallamyndun.
• Hljóðbylgjunudd: Hjálpar líkamanum að slaka á og styður við endurheimt. Hljóðbylgjunudd hefur góð áhrif á svefn og minnkar stresshormón í líkamanum. Virkjar blóðrás og sogæðakerfið og róar taugakerfið.
• Þrýstinudd: Minnkar bjúg og bólgur og flýtir endurheimt og minnkar verki í vöðvum. Eykur liðleika og losar líkamann við mjólkursýrur, minnkar líkur á æðahnútum og hefur góð áhrif á blóðrásina og sogæðakerfið.