Fótbolti

Eriksen skoraði í endurkomunni á Parken í öruggum sigri Dana

Hjörtur Leó Guðjónsson skrifar
Christian Eriksen skoraði þriðja mark danska liðsins í dag.
Christian Eriksen skoraði þriðja mark danska liðsins í dag. Martin Rose/Getty Images

Christian Eriksen skoraði þriðja mark danska landsliðsins er liðið vann öruggan 3-0 sigur gegn Serbum í vináttulandsleik í Danmörku í dag. Þetta var fyrsti leikur Eriksen á Parken síðan hann fór í hjartastopp á sama velli á EM seinasta sumar.

Eriksen fékk tækifæri í byrjunarliði danska liðsins, en það var Joakim Mæhle sem kom liðinu yfir eftir 15 mínútna leik. Það reyndist eina mark fyrri hálfleiksins og staðan var því 1-0 þegar gengið var til búningsherbergja.

Jesper Lindström tvöfaldaði forystu Dana snemma í síðari hálfleik eftir stoðsendingu frá Pierre-Emile Højbjerg og það var svo Christian Eriksen sem innsiglaði 3-0 sigur með góðu skoti fyrir utan teig.

Fótbolti Hjartastopp hjá Christian Eriksen

Mest lesið


Fleiri fréttir

Sjá meira


×

Mest lesið