„Rosaleg samkeppni í hópnum og alls ekki gefið að fá að spila“

„Ég fékk tækifæri fyrir nokkrum árum síðar en datt svo út úr hópnum sem var alveg verðskuldað. Ég átti ekki góða tíma þá. En svo fannst mér ég eiga skilið að koma aftur inn,“ sagði Guðrún í samtali við Vísi í gær. 

„Það er rosaleg samkeppni í hópnum og alls ekki gefið að fá að spila. Ég reyni að nýta þau tækifæri sem ég fæ.“

Samkeppnin í landsliðinu er einmitt hvað hörðust í miðvarðastöðunni en Ísland er ríkt af leikmönnum sem spila í hjarta varnarinnar.

„Það er mikil samkeppni í liðinu öllu og þá kannski sérstaklega í hafsentastöðunni. Maður getur ekki tekið neinu sem gefnu í þessu. Maður reynir bara að njóta þess að spila þegar maður fær tækifæri,“ sagði Guðrún að lokum.