„Það vilja allir spila svona leik“

„Ég myndi segja það. Ég held við séum á góðum stað og það sé stemmning í hópnum og við séum klárar í þetta,“ sagði Þorsteinn við Vísi fyrir æfingu íslenska liðsins í Prag í dag.

Leikurinn á morgun er einkar mikilvægur fyrir bæði lið og mikið undir. Þorsteinn vill að sínir leikmenn njóti leiksins stóra.

„Það vilja allir spila svona leik og allir í hópnum vera í liðinu á morgun,“ sagði Þorsteinn.

„Það er tilhlökkun og það vilja allir taka þátt í leik sem er svona stór og skiptir svona miklu máli. Markmiðið er skýrt og leikurinn á morgun er partur af því markmiði.“