Hildur hæstánægð með fyrstu tölur í Reykjavík

Samkvæmt fyrstu tölum er flokkurinn með 24,1 prósenta fylgi og fengi inn sex borgarfulltrúa. Flokkurinn mældist með 16 prósent í könnunum fyrir stuttu síðan.

„Við skulum hafa eitt á kristaltæru. Fyrir einungis örfáum dögum síðan mældumst við með 16 prósent í könnunum. Á einungis örfáum dögum hefum við risið um átta prósentustig og ég hef aldrei í sögunni séð aðra eins fylgisaukningu á örfáum dögum og það er allt vegna ykkar,“ sagði Hildur í ansi stuttri ræðu.

Flokkurinn er sá stærsti í borginni miðað við fyrstu tölur, en næst kemur Samfylkingin með 20,6 prósent fylgi og fengi fimm fulltrúa. Það bendir allt á stórsigur Framsóknarflokksins sem er með 18,7 prósent fylgi og fengi fjóra nýja borgarfulltrúa.