Ragnar heim í Hamar

Ragnar Ágúst kemur til með að styrkja lið Hamars gríðarlega í baráttunni um sæti í Subway deildinni. Hann býr yfir mikilli reynslu bæði hér á landi sem og erlendis. Hinn þrítugi Ragnar Ágúst hefur leikið með Þór Þorláksöfn Haukum, Val og Njarðvík ásamt því að leika með liðum á Spáni og Svíþjóð.

Einnig hefur hann leikið 56 A-landsleiki fyrir Íslands hönd á árunum 2013 til 2021.

„Það ríkir mikil ánægja að fá Ragnar heim og hlökkum við enn meira til næsta keppnistímabils eftir undirskrift dagsins,“ segir í tilkynningu Hamars en tíu ár eru síðan Ragnar lék síðast með uppeldisfélaginu.