49 ára kona á­kærð fyrir að þvætta 540 milljarða króna

DR segir frá málinu þar sem fram kemur að konan hafi játað sök þegar hún mætti fyrir dómara í Kaupmannahöfn í morgun.

Fram kemur að konan heiti Camilla Christiansen og hafi starfað hjá ráðgjafarstofunum Cph Consulting og svo Dan Consulting, þar sem hún var titluð forstjóri.

Fram kemur að hún hafi þó í raun starfað sem strámaður innan félaganna sem haldið hafi utan um fjörutíu dönsk samlagsfélög. Eina hlutverkið hafi þó verið að fela raunverulega eigendur peningastreymi félaganna frá yfirvöldum í Danmörku og erlendis.

„Félögin voru þannig sett upp að færslunum var haldið leyndum frá yfirvöldum í Danmörku, Eystrasaltslöndunum og Rússlandi, og þannig komust menn hjá því að greiða skatt,“ sagði konan í réttinum í morgun.

Saksóknarnar segja málið af áður óþekktri stærðargráðu í Danmörku. Ekki sé talið að Christiansen hafi verið höfuðpaur starfseminnar, en hafi þó átt sinn þátt í að fela slóð peningana.

Konan, sem er litháískur ríkisborgari, afplánar nú þegar fangelsisdóm vegna annars peningaþvættismáls.

Reiknað er með að dómur falli í málinu þann 23. júní næstkomandi.