Fótbolti

Adam Örn leikur með Leikni fram á haustið

Hjörvar Ólafsson skrifar
Adam Örn Arnarson er farinn í Breiðholtið. 
Adam Örn Arnarson er farinn í Breiðholtið.  Mynd/Breiðablik

Adam Örn Arnarson, leikmaður Breiðabliks, hefur verið lánaður í Leikni Reykjavík og mun hann leika þar út yfirstandandi leiktíð. 

Adam Örn gekk til liðs við Breiðablik frá norska félaginu Tromsø um miðjan marsmánuð fyrr á þessu ári.  

Þessi 26 ára gamli leikmaður hefur lítið komið við sögu hjá Blikum í sumar en hann hefur leikið tvo deildarleiki og einn bikarleik. 

Leiknir er í harðri fallbaráttu en liðið laut í lægra haldi fyrir ÍBV í 14. umferð Bestu deildarinnar og situr í næstneðsta sæti með 10 stig. Leiknismenn eru með einu stigi minna en FH og ÍBV sem sitja í sætunum fyrir ofan fallsvæðið. 

Fótbolti Besta deild karla Leiknir Reykjavík Breiðablik

Mest lesið


Fleiri fréttir

Sjá meira


×

Mest lesið