Hádegisfréttir Bylgjunnar

Lilja Alfreðsdóttir menningarráðherra hyggst ekki draga skipun þjóðminjavarðar til baka en segir að auglýsa hefði mátt stöðuna til að halda sátt. Hún segist þó ekki harma vinnubrögð sín, eins og haldið var fram í Fréttablaðinu í morgun.

Pundið hefur hríðfallið og svo virðist sem ný stjórnvöld á Bretlandseyjum séu fljótt að missa traust vegna boðaðra efnahagsaðgerða.

Margra milljóna króna tjón varð í tæplega 100 íbúðum í Urriðaholti á föstudag þegar alltof há spenna komst inn á íbúðirnar vegna bilunar.

Sóknarprestur við Laugarneskirkju vísar á bug ásökunum um að kirkjan sé að kynda undir ófriðarbál með því að afþakka kirkjuheimsóknir skólabarna á skólatíma.

Þetta og fleira í hádegisfréttum Bylgjunnar klukkan 12.