Ómar og Gísli allt í öllu þegar Magdeburg varði heimsmeistaratitil félagsliða

Eins og vanalega voru íslensku landsliðsmennirnir Ómar Ingi Magnússon og Gísli Þorgeir Kristjánsson í lykilhlutverkum í sóknarleik Magdeburg og áttu hreint út sagt magnaðan leik.

Ómar Ingi var besti maður vallarins og skoraði tólf mörk en leiknum lauk með tveggja marka sigri Magdeburg, 41-39, eftir að liðin höfðu skilið jöfn að loknum venjulegum leiktíma, 35-35.

Gísli Þorgeir skoraði sex mörk auk þess að leggja upp önnur átta mörk en eins og sjá má á myndbandi hér að neðan sáu þeir félagar um að gulltryggja sigur Magdeburg með síðasta marki leiksins.