Fótbolti

Eftirmaður Enriques fundinn

Ingvi Þór Sæmundsson skrifar
Luis de la Fuente er nýr þjálfari spænska A-landsliðsins í fótbolta.
Luis de la Fuente er nýr þjálfari spænska A-landsliðsins í fótbolta. getty/Fran Santiago

Spánverjar voru ekki lengi að finna eftirmann Luis Enrique sem er hættur sem þjálfari karlalandsliðsins í fótbolta.

Eftirmaðurinn heitir Luis de la Fuente og hefur þjálfað yngri landslið Spánar síðan 2013. Hann þjálfaði U-19 ára landsliðið 2013-18, U-21 árs landsliðið 2018-22 og U-23 ára landsliðið 2021.

De la Fuente var vinstri bakvörður og lengst af ferilsins lék hann með Athletic Bilbao. Hann þjálfaði svo varalið félagsins í tvígang.

Spænska landsliðið tapaði fyrir Marokkó í vítaspyrnukeppni, 3-0, í sextán liða úrslitum á HM í Katar. Spánverjar hófu heimsmeistaramótið af miklum krafti og unnu Kosta Ríkamenn, 7-0, í fyrsta leik sínum. Þeir unnu hins vegar ekki leik eftir það.

Spænski boltinn HM 2022 í Katar Spánn

Mest lesið


Fleiri fréttir

Sjá meira


×

Mest lesið