Eftirminnileg augnablik í íþróttaheiminum á árinu 2022 Óskar Ófeigur Jónsson skrifar 31. desember 2022 09:00 Enska kvennalandsliðssið varð Evrópumeistari í fótbolta í júlí eftir dramatískan sigur á Þýskalandi í úrslitaleik á Wembley. Chloe Kelly skoraði sigurmarkið og fagnaði því með því að fara úr keppnistreyjunni. Fyrsti titil enska landsliðsins í fótbolta frá því að karlarnir unnu á Wembley á HM 1966. Getty/Julian Finney Íþróttaljósmyndarar heimsins fylgdust vel með keppnum ársins og náðu mörgum eftirminnilegum stundum á mynd. Íþróttaárið 2022 bauð auðvitað upp á bæði stóra sigra og sár töp þar sem gamlar og nýjar hetjur slógu í gegn og fengu að upplifa drauma sína. Íþróttaársins 2022 verður þó líklega alltaf minnst sem ársins þar sem Lionel Messi komst loksins á toppinn fjallsins og ársins sem við misstum Pele aðeins nokkrum vikum síðar. Messi varð heimsmeistari í fótbolta í jólamánuðinum og gerði gott betur því hann átti frábært heimsmeistaramót sem fór fram í Katar og heppnaðist afar vel þrátt fyrir mikla óánægju með staðsetningu og tímasetninguna á miðju tímabili. Þetta var líka ár þar sem Vetrarólympíuleikarnir fóru fram í Peking í Kína og Evrópumeistaramót kvenna var haldið í Englandi þar sem fótboltinn fékk loksins að fara heim. Það voru auðvitað ensku stelpurnar sem kláruðu það enda flestir Englendingar búnir að fá nóg að bíða eftir körlunum. Það er líka að nægu að taka þegar kemur að öðrum íþróttum enda unnust mörg flott og söguleg íþróttaafrek á þessu viðburðaríka ári. Hér fyrir neðan má sjá nokkrar valdar myndir af erlendum íþróttavettvangi frá ljósmyndurum Getty myndabankans. Lionel Messi varð loksins heimsmeistari en hann setti líka fullt af metum og var líka besti leikmaður HM í Katar þar Argentína vann sinn fyrsta heimsmeistaratitil í fótbolta frá árinu 1986. Messi var borinn um völlin í leikslok enda búinn að kóróna besta feril fótboltasögunnar.Getty/Gustavo Pagano Max Verstappen varð heimsmeistari í formúlu eitt annað árið í röð en að þessu sinni vann hann með miklum yfirburðum. Hér fær hann koss frá kærustu sinni Kelly Piquet eftir keppnina í Abú Dabí.Getty/Mark Thompson Real Madrid vann Liverpool í úrslitaleik Meistaradeildarinnar í París í maí. Luka Modric sést hér með bikarinn en Króatinn var að vinna hann í fimmta sinn með Real Madrid liðinu.Getty/David Ramos Hin fimmtán ára gamla rússneska skautadrottning Kamila Valieva var mikið í fréttunum á Vetrarólympíuleikunum, fyrst fyrir að vera algjört undrabarn á svellinu og svo enn frekar eftir að kom í ljós að hún hafði fallið á lyfjaprófi. Hún keppti á endanum með augu heimsins á sér en þoldi ekki pressuna og komst ekki á pall.Getty/Catherine Ivill/ Bandaríska listsundkonan Anita Alvarez komst í fréttirnar eftir að hún féll í yfirlið í miðri keppni og sökk til botns. Þjálfari hennar, Andrea Fuentes, var fljót að hugsa, stakk sér ofan í laugina fullklædd og bjargaði Alvarez. Hún var í kjölfarið flutt burt á börum. Fuentes greindi seinna frá því að líðan Alvarez væri góð.Getty/Dean Mouhtaropoulos Norðmaðurinn Erling Braut Haaland var keyptur til Manchester City og mætti í ensku úrvalsdeildina með látum. Í lok desember var tímabilið ekki einu sinni hálfnað en hann búinn að skora 26 mörk í 20 leikjum í öllum keppnum þar af tuttugu mörk í fjórtán leikjum í ensku úrvalsdeildinni.Getty/James Gill Serena Williams, besta tenniskona allra tíma, setti punktinn á bak við magnaðan feril sinn á árinu. Hennar síðasta keppni var opna bandaríska meistaramótið og síðasti leikurinn á móti Öjlu Tomljanovic . Serena vann 23 risatitla á ferlinum og eyddi alls 319 vikum í efsta sæti heimslistans í tennis.Getty/Elsa Norski skíðaskotfimimaðurinn Johannes Thingnes Bö varð sigursælasti keppandinn á Vetrarólympíuleikunum í Peking þar sem hann vann fern gullverðlaun og eitt brons.Getty/Clive Rose Stephen Curry og félagar í Golden State Warriors urðu NBA-meistarar ári eftir að hafa verið slakasta liðið í deildinni eftir að hafa misst Curry og Klay Thompson í meiðsli. Curry varð meistari í fjórða sinn en í fyrsta sinn var hann valinn besti leikmaður lokaúrslitanna.Getty Marte Olsbu Roeiseland vann fimm verðlaun á Vetrarólympíuleikunum í Peking og varð aðeins önnur í sögunni, og fyrsta konan, í sinni íþrótt til að vinna til verðlauna í fjórum einstaklingsgreinum á sömu leikum. Vegna kórónuveirufaraldursins þurfti íþróttafólkið sjálft að setja verðlaunum um hálsinn á sér.Getty/Al Bello Ensku landsliðskonurnar Lucy Bronze og Mary Earps dansa hér upp á borðum eftir að hafa truflað blaðamannafund landsliðsþjálfarans Sarinu Wiegman eftir sigur enska landsliðskns í úrslitaleik EM í fótbolta.Getty/Sarah Stier Pep Guardiola gerði Manchester City að Englandsmeisturum í fjórða sinn á fimm tímabilum og vann alls sinn tíunda landsmeistaratitil sem þjálfari. Hér fagnar hann með miðverðinum John Stones.Getty/Michael Regan Eitt svakalegasta óhapp formúlu eitt tímabilsins var þegar bíll kínverjans Zhou Guanyu rann á hvolfi út úr brautinni í breska kappakstrinum. Zhou slapp ómeiddur og sagði seinna að öryggishringurinn fyrir ofan hann hafi bjargað lífi sínu.Getty/Mark Thompson Argentínsku heimsmeistararnir Lionel Messi og Ángel Di María með bikarinn sem Argentína vann í fyrsta sinn frá 1986. Báðir skoruðu í úrslitaleiknum og hér bendir Di María á botn bikarsins þar sem má finna lista yfir fyrri heimsmeistara þar á meðal Argentínu 1978 og 1986.Getty/Gustavo Pagano Spænska knattspyrnukonan Alexia Putellas varð fyrir því óláni að slíta krossband rétt fyrir Evrópumótið en hún vann samt Gullboltann annað árið í röð þrátt fyrir að spila ekki fótboltaleik eftir maí.Getty/Pedro Salado Danski hjólreiðamaðurinn Jonas Vingegaard Rasmussen varð þjóðhetja í Danmörku eftir að hafa unnið 109. Frakklandshjólreiðarnar, Tour de France.Getty/Michael Steele Bandaríkjamaðurinn Scottie Scheffler vann Mastersmótið í golfi í fyrsta sinn. Hann fékk því að fara í græna jakkann. Hann var efstur á heimslistanum frá mars fram í október og varð einnig í öðru sæti á opna bandaríska meistaramótinu.Getty/Jamie Squire Andreas Palicka var frábær í marki Svía sem urðu Evrópumeistarar i handbolta efitr sigur á Spáni í úrslitaleiknum í Búdapest í Ungverjalandi.Getty/Nikola Krstic Tröllið Aaron Donald var búinn að eiga frábæran feril í NFL-deildinni en það vantaði bara þann stóra. Hann kom í hús þegar Los Angeles Rams vann Cincinnati Bengals í Super Bowl leiknum í febrúar.Getty/Andy Lyons Þórir Hergeirsson gerði norska kvennalandsliðið að Evrópmeisturum í nóvember en þetta var níunda gullið með liðið vinnur undir hans stjórn. Hann er sigursælasti landsliðsþjálfari handboltasögunnar.Getty/Igor Soban Annáll 2022 Fréttir ársins 2022 Mest lesið „Vandræðalegt að fá krampa í bæði læri eftir sextíu mínútur“ Fótbolti „Þakklátur fyrir að konan sé tilbúin að leyfa mér að upplifa þetta“ Körfubolti Fyrrum Arsenal leikmaður í fjögurra ára fangelsi: „Þú hentir öllu frá þér“ Sport Clarke pirraður og stuttorður í viðtali eftir leik Fótbolti Uppgjörið: Skotland - Ísland 1-3 | Fyrsti sigur Arnars Bergmanns við stjörnvölinn hjá íslenska liðinu Fótbolti Sjáðu mörk íslenska liðsins á móti Skotum Fótbolti Raphinha valinn bestur en Lamine Yamal besti ungi Fótbolti „Við áttum þennan sigur klárlega skilið“ Fótbolti Sinner vann Djokovic og komst í úrslitaleikinn Sport Arnar Guðjónsson tekur við Stólunum Körfubolti Fleiri fréttir Fyrrum Arsenal leikmaður í fjögurra ára fangelsi: „Þú hentir öllu frá þér“ Sinner vann Djokovic og komst í úrslitaleikinn „Þakklátur fyrir að konan sé tilbúin að leyfa mér að upplifa þetta“ Clarke pirraður og stuttorður í viðtali eftir leik Raphinha valinn bestur en Lamine Yamal besti ungi „Vandræðalegt að fá krampa í bæði læri eftir sextíu mínútur“ „Við áttum þennan sigur klárlega skilið“ Elías Rafn: Gaman að spila fyrir landsliðið aftur „Ánægður með leikstjórnina hjá leikmönnum liðsins“ Norðmenn rúlluðu Ítölum upp í fyrri hálfleik Uppgjörið: Skotland - Ísland 1-3 | Fyrsti sigur Arnars Bergmanns við stjörnvölinn hjá íslenska liðinu Silfrið niðurstaðan fyrir Hannes og strákana hans Uppgjörið: Tindastóll-Valur 2-2 | Bið Valskvenna lengist enn Sjáðu mörk íslenska liðsins á móti Skotum Óðinn með næstflottasta markið í Evrópudeildinni Arnar gerir sex breytingar frá tapinu á móti Kosóvó Brynjar Björn í þjálfarateymi Víkings Arnar Guðjónsson tekur við Stólunum Albert gaf orðrómi um Everton undir fótinn Rekinn frá Tottenham Caroline kveður Þrótt og heldur heim til Bandaríkjanna Robertson um Íslendinga: „Augljóslega ósáttir eins og við“ Fullviss um að ferðabannið hafi ekki áhrif á Ólympíuleikana Sjáðu fimm flottustu mörk maímánaðar Dabbi kóngur framlengir og Þór sækir tvo frá Selfossi Arnar sá Souness slást við leikmenn sína: „Voru allir skíthræddir við hann“ Sara Björk sá vel um sínar og Ísland mætir Norður-Írlandi í umspili Coco Gauff batt enda á franska ævintýrið „Minn draumur er að fá að spila í úrslitakeppninni“ Í bann fyrir að hylja skilaboð gegn hommafælni Sjá meira
Íþróttaárið 2022 bauð auðvitað upp á bæði stóra sigra og sár töp þar sem gamlar og nýjar hetjur slógu í gegn og fengu að upplifa drauma sína. Íþróttaársins 2022 verður þó líklega alltaf minnst sem ársins þar sem Lionel Messi komst loksins á toppinn fjallsins og ársins sem við misstum Pele aðeins nokkrum vikum síðar. Messi varð heimsmeistari í fótbolta í jólamánuðinum og gerði gott betur því hann átti frábært heimsmeistaramót sem fór fram í Katar og heppnaðist afar vel þrátt fyrir mikla óánægju með staðsetningu og tímasetninguna á miðju tímabili. Þetta var líka ár þar sem Vetrarólympíuleikarnir fóru fram í Peking í Kína og Evrópumeistaramót kvenna var haldið í Englandi þar sem fótboltinn fékk loksins að fara heim. Það voru auðvitað ensku stelpurnar sem kláruðu það enda flestir Englendingar búnir að fá nóg að bíða eftir körlunum. Það er líka að nægu að taka þegar kemur að öðrum íþróttum enda unnust mörg flott og söguleg íþróttaafrek á þessu viðburðaríka ári. Hér fyrir neðan má sjá nokkrar valdar myndir af erlendum íþróttavettvangi frá ljósmyndurum Getty myndabankans. Lionel Messi varð loksins heimsmeistari en hann setti líka fullt af metum og var líka besti leikmaður HM í Katar þar Argentína vann sinn fyrsta heimsmeistaratitil í fótbolta frá árinu 1986. Messi var borinn um völlin í leikslok enda búinn að kóróna besta feril fótboltasögunnar.Getty/Gustavo Pagano Max Verstappen varð heimsmeistari í formúlu eitt annað árið í röð en að þessu sinni vann hann með miklum yfirburðum. Hér fær hann koss frá kærustu sinni Kelly Piquet eftir keppnina í Abú Dabí.Getty/Mark Thompson Real Madrid vann Liverpool í úrslitaleik Meistaradeildarinnar í París í maí. Luka Modric sést hér með bikarinn en Króatinn var að vinna hann í fimmta sinn með Real Madrid liðinu.Getty/David Ramos Hin fimmtán ára gamla rússneska skautadrottning Kamila Valieva var mikið í fréttunum á Vetrarólympíuleikunum, fyrst fyrir að vera algjört undrabarn á svellinu og svo enn frekar eftir að kom í ljós að hún hafði fallið á lyfjaprófi. Hún keppti á endanum með augu heimsins á sér en þoldi ekki pressuna og komst ekki á pall.Getty/Catherine Ivill/ Bandaríska listsundkonan Anita Alvarez komst í fréttirnar eftir að hún féll í yfirlið í miðri keppni og sökk til botns. Þjálfari hennar, Andrea Fuentes, var fljót að hugsa, stakk sér ofan í laugina fullklædd og bjargaði Alvarez. Hún var í kjölfarið flutt burt á börum. Fuentes greindi seinna frá því að líðan Alvarez væri góð.Getty/Dean Mouhtaropoulos Norðmaðurinn Erling Braut Haaland var keyptur til Manchester City og mætti í ensku úrvalsdeildina með látum. Í lok desember var tímabilið ekki einu sinni hálfnað en hann búinn að skora 26 mörk í 20 leikjum í öllum keppnum þar af tuttugu mörk í fjórtán leikjum í ensku úrvalsdeildinni.Getty/James Gill Serena Williams, besta tenniskona allra tíma, setti punktinn á bak við magnaðan feril sinn á árinu. Hennar síðasta keppni var opna bandaríska meistaramótið og síðasti leikurinn á móti Öjlu Tomljanovic . Serena vann 23 risatitla á ferlinum og eyddi alls 319 vikum í efsta sæti heimslistans í tennis.Getty/Elsa Norski skíðaskotfimimaðurinn Johannes Thingnes Bö varð sigursælasti keppandinn á Vetrarólympíuleikunum í Peking þar sem hann vann fern gullverðlaun og eitt brons.Getty/Clive Rose Stephen Curry og félagar í Golden State Warriors urðu NBA-meistarar ári eftir að hafa verið slakasta liðið í deildinni eftir að hafa misst Curry og Klay Thompson í meiðsli. Curry varð meistari í fjórða sinn en í fyrsta sinn var hann valinn besti leikmaður lokaúrslitanna.Getty Marte Olsbu Roeiseland vann fimm verðlaun á Vetrarólympíuleikunum í Peking og varð aðeins önnur í sögunni, og fyrsta konan, í sinni íþrótt til að vinna til verðlauna í fjórum einstaklingsgreinum á sömu leikum. Vegna kórónuveirufaraldursins þurfti íþróttafólkið sjálft að setja verðlaunum um hálsinn á sér.Getty/Al Bello Ensku landsliðskonurnar Lucy Bronze og Mary Earps dansa hér upp á borðum eftir að hafa truflað blaðamannafund landsliðsþjálfarans Sarinu Wiegman eftir sigur enska landsliðskns í úrslitaleik EM í fótbolta.Getty/Sarah Stier Pep Guardiola gerði Manchester City að Englandsmeisturum í fjórða sinn á fimm tímabilum og vann alls sinn tíunda landsmeistaratitil sem þjálfari. Hér fagnar hann með miðverðinum John Stones.Getty/Michael Regan Eitt svakalegasta óhapp formúlu eitt tímabilsins var þegar bíll kínverjans Zhou Guanyu rann á hvolfi út úr brautinni í breska kappakstrinum. Zhou slapp ómeiddur og sagði seinna að öryggishringurinn fyrir ofan hann hafi bjargað lífi sínu.Getty/Mark Thompson Argentínsku heimsmeistararnir Lionel Messi og Ángel Di María með bikarinn sem Argentína vann í fyrsta sinn frá 1986. Báðir skoruðu í úrslitaleiknum og hér bendir Di María á botn bikarsins þar sem má finna lista yfir fyrri heimsmeistara þar á meðal Argentínu 1978 og 1986.Getty/Gustavo Pagano Spænska knattspyrnukonan Alexia Putellas varð fyrir því óláni að slíta krossband rétt fyrir Evrópumótið en hún vann samt Gullboltann annað árið í röð þrátt fyrir að spila ekki fótboltaleik eftir maí.Getty/Pedro Salado Danski hjólreiðamaðurinn Jonas Vingegaard Rasmussen varð þjóðhetja í Danmörku eftir að hafa unnið 109. Frakklandshjólreiðarnar, Tour de France.Getty/Michael Steele Bandaríkjamaðurinn Scottie Scheffler vann Mastersmótið í golfi í fyrsta sinn. Hann fékk því að fara í græna jakkann. Hann var efstur á heimslistanum frá mars fram í október og varð einnig í öðru sæti á opna bandaríska meistaramótinu.Getty/Jamie Squire Andreas Palicka var frábær í marki Svía sem urðu Evrópumeistarar i handbolta efitr sigur á Spáni í úrslitaleiknum í Búdapest í Ungverjalandi.Getty/Nikola Krstic Tröllið Aaron Donald var búinn að eiga frábæran feril í NFL-deildinni en það vantaði bara þann stóra. Hann kom í hús þegar Los Angeles Rams vann Cincinnati Bengals í Super Bowl leiknum í febrúar.Getty/Andy Lyons Þórir Hergeirsson gerði norska kvennalandsliðið að Evrópmeisturum í nóvember en þetta var níunda gullið með liðið vinnur undir hans stjórn. Hann er sigursælasti landsliðsþjálfari handboltasögunnar.Getty/Igor Soban
Annáll 2022 Fréttir ársins 2022 Mest lesið „Vandræðalegt að fá krampa í bæði læri eftir sextíu mínútur“ Fótbolti „Þakklátur fyrir að konan sé tilbúin að leyfa mér að upplifa þetta“ Körfubolti Fyrrum Arsenal leikmaður í fjögurra ára fangelsi: „Þú hentir öllu frá þér“ Sport Clarke pirraður og stuttorður í viðtali eftir leik Fótbolti Uppgjörið: Skotland - Ísland 1-3 | Fyrsti sigur Arnars Bergmanns við stjörnvölinn hjá íslenska liðinu Fótbolti Sjáðu mörk íslenska liðsins á móti Skotum Fótbolti Raphinha valinn bestur en Lamine Yamal besti ungi Fótbolti „Við áttum þennan sigur klárlega skilið“ Fótbolti Sinner vann Djokovic og komst í úrslitaleikinn Sport Arnar Guðjónsson tekur við Stólunum Körfubolti Fleiri fréttir Fyrrum Arsenal leikmaður í fjögurra ára fangelsi: „Þú hentir öllu frá þér“ Sinner vann Djokovic og komst í úrslitaleikinn „Þakklátur fyrir að konan sé tilbúin að leyfa mér að upplifa þetta“ Clarke pirraður og stuttorður í viðtali eftir leik Raphinha valinn bestur en Lamine Yamal besti ungi „Vandræðalegt að fá krampa í bæði læri eftir sextíu mínútur“ „Við áttum þennan sigur klárlega skilið“ Elías Rafn: Gaman að spila fyrir landsliðið aftur „Ánægður með leikstjórnina hjá leikmönnum liðsins“ Norðmenn rúlluðu Ítölum upp í fyrri hálfleik Uppgjörið: Skotland - Ísland 1-3 | Fyrsti sigur Arnars Bergmanns við stjörnvölinn hjá íslenska liðinu Silfrið niðurstaðan fyrir Hannes og strákana hans Uppgjörið: Tindastóll-Valur 2-2 | Bið Valskvenna lengist enn Sjáðu mörk íslenska liðsins á móti Skotum Óðinn með næstflottasta markið í Evrópudeildinni Arnar gerir sex breytingar frá tapinu á móti Kosóvó Brynjar Björn í þjálfarateymi Víkings Arnar Guðjónsson tekur við Stólunum Albert gaf orðrómi um Everton undir fótinn Rekinn frá Tottenham Caroline kveður Þrótt og heldur heim til Bandaríkjanna Robertson um Íslendinga: „Augljóslega ósáttir eins og við“ Fullviss um að ferðabannið hafi ekki áhrif á Ólympíuleikana Sjáðu fimm flottustu mörk maímánaðar Dabbi kóngur framlengir og Þór sækir tvo frá Selfossi Arnar sá Souness slást við leikmenn sína: „Voru allir skíthræddir við hann“ Sara Björk sá vel um sínar og Ísland mætir Norður-Írlandi í umspili Coco Gauff batt enda á franska ævintýrið „Minn draumur er að fá að spila í úrslitakeppninni“ Í bann fyrir að hylja skilaboð gegn hommafælni Sjá meira
Uppgjörið: Skotland - Ísland 1-3 | Fyrsti sigur Arnars Bergmanns við stjörnvölinn hjá íslenska liðinu Fótbolti
Uppgjörið: Skotland - Ísland 1-3 | Fyrsti sigur Arnars Bergmanns við stjörnvölinn hjá íslenska liðinu
Uppgjörið: Skotland - Ísland 1-3 | Fyrsti sigur Arnars Bergmanns við stjörnvölinn hjá íslenska liðinu Fótbolti