Í A-riðli vann Svartfjallaland tveggja marka sigur á Síle og tryggði sér þar með sæti í milliriðli, lokatölur 35-33. Svartfjallaland endar því með 4 stig á meðan Síle lýkur keppni án stiga.
Frakkland vann Slóveníu í toppslag B-riðils, lokatölur 35-31. Nedim Remili og Kentin Mahe voru markahæstir í liði Frakklands með sjö mörk hvor.
Í C-riðli vann Brasilía svo tveggja marka sigur á Grænhöfðaeyjum, lokatölur 30-28. Brasilía endar með fjögur stig og fer áfram í milliriðil. Grænhöfðaeyjar gætu gert slíkt hið sama en myndu þá fara þangað án stiga.
