„Þetta er bara einhver störukeppni sem að verður að linna“ Fanndís Birna Logadóttir skrifar 17. janúar 2023 13:01 Kjartan Már Kjartansson, bæjarstjóri Reykjanesbæjar. Vísir/Egill Bæjarstjóri Reykjanesbæjar segir grafalvarlegt ástand hafa skapast í gær þegar íbúar á Suðurnesjum voru án rafmagns, heita vatns og símasambands þegar bilun kom upp á Suðurnesjalínu 1. Viðgerðum er ekki lokið og þarf að taka línuna tímabundið úr rekstri á næstu dögum. Bæjarstjóri segir ósætti milli Landsnets og sveitarfélagsins Voga um Suðurnesjalínu 2 störukeppni sem verði að linna. Rafmagn var aftur komið á sjöunda tímanum í gær en rafmagnslaust var í tæpa þrjá klukkutíma vegna bilunar í eldingavara í tengivirkinu í Fitjum. Steinunn Þorsteinsdóttir, upplýsingafulltrúi Landsnets, segir viðgerðum ekki lokið en eldingavarinn var tekinn út í gær. „Það má í rauninni segja að við höfum sett plástur á línuna og í dag eru tveir eldingavarar en ekki þrír eins og á að vera. Það þýðir að við þurfum að fara í viðgerð, við þurfum að setja upp nýjan eldingavara og mögulega skipta út hinum tveimur,“ segir Steinunn. „Það verður gert að nóttu til núna einhvern tímann á næstu dögum því það er náttúrulega viðkvæmt að taka línuna út,“ segir hún enn fremur en verið er að skoða hvenær hægt verður að ráðast í viðgerðir, þá með tilliti til veðurs og í samvinnu við virkjanir á svæðinu. Algjörlega óásættanleg staða Samhliða rafmagnsleysinu datt heita vatnið út auk þess sem símkerfi virkuðu ekki. Kjartan Már Kjartansson, bæjarstjóri Reykjanesbæjar, segir mjög sérstakt ástand hafa skapast í gær. „Ég held að fólki hafi líka verið brugðið að þetta skuli geta gerst árið 2023, að svona stórt svæði sem telur 30 þúsund íbúa geti dottið út í svona langan tíma og kannski hvað símainnviðirnir okkar eru illa búnir með varaafl,“ segir Kjartan. Fréttastofa hefur heyrt dæmi um að íbúar hafi ekki náð sambandi við Neyðarlínuna. Kjartan segir að hægt sé að rekja símasambandsleysið til þess að rafmagnið fór af en mögulega hafi verið sérstaklega mikið álag þar sem margir voru að horfa á leik Íslands gegn Suður-Kóreu á HM í handbolta í gær. Hvað Keflavíkurflugvöll varðar getur rafmagnsleysi haft takmörkuð áhrif þar sem landgangar eru keyrðir á rafmagni. Völlurinn er keyrður á varaafli á svona stundum en að sögn Kjartans dugar það ekki til lengri tíma. „Þetta er stóralvarlegt mál og getur jafnvel varðað þjóðaröryggi. Við verðum bara að koma þessu í lag, það er ekkert sem heitir. Þetta er algjörlega óásættanlegt, að ekki sé hægt að hringja, af því að nú treysta menn allir á farsímana, og að það sé ekki rafmagn og það sé ekki heitt vatn og þessir innviðir. Þetta er algjörlega ólíðandi,“ segir hann. Vogar og Landsnet þurfi að finna út úr sínum málum Bilunin sýni fram á mikilvægi Suðurnesjalínu 2 en Suðurnesjalína 1 er eina tenging svæðisins. Reykjanesbær, Hafnarfjörður og Grindavík hafa fyrir löngu veitt framkvæmdaleyfi en sveitarfélagið Vogar er enn með málið á sínu borði. Umsókn Landsnets um framkvæmdaleyfi er enn til efnislegrar meðferðar hjá sveitarfélaginu. „Við þurfum bara að ýta á og flýta því að þessar erjur og misklíð varðandi Suðurnesjalínu 2, hvernig hún skuli lögð, að þær verði leystar og að bæði Landsnet og sveitarfélagið Vogar finni nú út úr því hvernig þau ætla að gera þetta,“ segir Kjartan. „Þetta er bara einhver störukeppni sem að verður að linna.“ Reykjanesbær Vogar Suðurnesjalína 2 Orkumál Mest lesið Tálbeitan ákærð fyrir rangt brot Innlent Létu sér andlát Hjörleifs í léttu rúmi liggja Innlent Vissu af auknum töfum en óraði ekki fyrir viðbrögðunum Innlent Lykillinn að kraftaverki að Birgir var frá Íslandi Erlent Samtök „gamalla karla“ sem sumum finnst „kúl“ Innlent Magga Stína á leið til Gasa með Frelsisflotanum Innlent Ekki sama manneskjan eftir hörmungarnar á Gasa Innlent Telja sig hafa fundið skipið sem skaut drónunum Erlent Átján tegundir af sólarvörn teknar úr sölu í Ástralíu Erlent Fossvogsbrúin sé álíka gáfuleg og að setja göngustíg í Reynisfjöru Innlent Fleiri fréttir Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Viðreisn býður fram undir eigin merkjum í Árborg Ekið á hjólreiðamann og hann fluttur á bráðamóttöku Val á þingflokksformanni bíður betri tíma Tvö vilja byggja Fossvogsbrú en bæði yfir áætluðum kostnaði Tálbeitan ákærð fyrir rangt brot Ekki sama manneskjan eftir hörmungarnar á Gasa Skorar á ríkisstjórnina að fjármagna íslenskunám Eggert Benedikt settur forstjóri Hafró Samtök „gamalla karla“ sem sumum finnst „kúl“ Rafmagnslaust á Dalvík, Hrísey og nágrenni Hætt við sameiningu HA og Háskólans á Bifröst Bjóða Grindvíkingum á seiglunámskeið Fimmtungur getur ekki keypt afmælisgjafir fyrir börnin sín Reyna að bjarga starfseminni á Möltu og slæmar fregnir af makrílveiðinni Bein útsending: Loftslagsdagurinn Bein útsending: Staða launafólks á Íslandi Létu sér andlát Hjörleifs í léttu rúmi liggja Konur og háskólamenntaðir líklegri til að vilja frekari aðgerðir gegn Ísrael Bein útsending: Heilbrigðistæknilausnir og -þjónusta Biskup Íslands heimsækir Úkraínu Vissu af auknum töfum en óraði ekki fyrir viðbrögðunum Magga Stína á leið til Gasa með Frelsisflotanum Útköll vegna slagsmála Þurftu að finna lausn á uppskáldaðri hryðjuverkaárás á Íslandi Fossvogsbrúin sé álíka gáfuleg og að setja göngustíg í Reynisfjöru Ísland land númer 197 Skiptastjóri þurfi að ákveða hvort hann geri kröfu í dótturfélag Play Sjá meira
Rafmagn var aftur komið á sjöunda tímanum í gær en rafmagnslaust var í tæpa þrjá klukkutíma vegna bilunar í eldingavara í tengivirkinu í Fitjum. Steinunn Þorsteinsdóttir, upplýsingafulltrúi Landsnets, segir viðgerðum ekki lokið en eldingavarinn var tekinn út í gær. „Það má í rauninni segja að við höfum sett plástur á línuna og í dag eru tveir eldingavarar en ekki þrír eins og á að vera. Það þýðir að við þurfum að fara í viðgerð, við þurfum að setja upp nýjan eldingavara og mögulega skipta út hinum tveimur,“ segir Steinunn. „Það verður gert að nóttu til núna einhvern tímann á næstu dögum því það er náttúrulega viðkvæmt að taka línuna út,“ segir hún enn fremur en verið er að skoða hvenær hægt verður að ráðast í viðgerðir, þá með tilliti til veðurs og í samvinnu við virkjanir á svæðinu. Algjörlega óásættanleg staða Samhliða rafmagnsleysinu datt heita vatnið út auk þess sem símkerfi virkuðu ekki. Kjartan Már Kjartansson, bæjarstjóri Reykjanesbæjar, segir mjög sérstakt ástand hafa skapast í gær. „Ég held að fólki hafi líka verið brugðið að þetta skuli geta gerst árið 2023, að svona stórt svæði sem telur 30 þúsund íbúa geti dottið út í svona langan tíma og kannski hvað símainnviðirnir okkar eru illa búnir með varaafl,“ segir Kjartan. Fréttastofa hefur heyrt dæmi um að íbúar hafi ekki náð sambandi við Neyðarlínuna. Kjartan segir að hægt sé að rekja símasambandsleysið til þess að rafmagnið fór af en mögulega hafi verið sérstaklega mikið álag þar sem margir voru að horfa á leik Íslands gegn Suður-Kóreu á HM í handbolta í gær. Hvað Keflavíkurflugvöll varðar getur rafmagnsleysi haft takmörkuð áhrif þar sem landgangar eru keyrðir á rafmagni. Völlurinn er keyrður á varaafli á svona stundum en að sögn Kjartans dugar það ekki til lengri tíma. „Þetta er stóralvarlegt mál og getur jafnvel varðað þjóðaröryggi. Við verðum bara að koma þessu í lag, það er ekkert sem heitir. Þetta er algjörlega óásættanlegt, að ekki sé hægt að hringja, af því að nú treysta menn allir á farsímana, og að það sé ekki rafmagn og það sé ekki heitt vatn og þessir innviðir. Þetta er algjörlega ólíðandi,“ segir hann. Vogar og Landsnet þurfi að finna út úr sínum málum Bilunin sýni fram á mikilvægi Suðurnesjalínu 2 en Suðurnesjalína 1 er eina tenging svæðisins. Reykjanesbær, Hafnarfjörður og Grindavík hafa fyrir löngu veitt framkvæmdaleyfi en sveitarfélagið Vogar er enn með málið á sínu borði. Umsókn Landsnets um framkvæmdaleyfi er enn til efnislegrar meðferðar hjá sveitarfélaginu. „Við þurfum bara að ýta á og flýta því að þessar erjur og misklíð varðandi Suðurnesjalínu 2, hvernig hún skuli lögð, að þær verði leystar og að bæði Landsnet og sveitarfélagið Vogar finni nú út úr því hvernig þau ætla að gera þetta,“ segir Kjartan. „Þetta er bara einhver störukeppni sem að verður að linna.“
Reykjanesbær Vogar Suðurnesjalína 2 Orkumál Mest lesið Tálbeitan ákærð fyrir rangt brot Innlent Létu sér andlát Hjörleifs í léttu rúmi liggja Innlent Vissu af auknum töfum en óraði ekki fyrir viðbrögðunum Innlent Lykillinn að kraftaverki að Birgir var frá Íslandi Erlent Samtök „gamalla karla“ sem sumum finnst „kúl“ Innlent Magga Stína á leið til Gasa með Frelsisflotanum Innlent Ekki sama manneskjan eftir hörmungarnar á Gasa Innlent Telja sig hafa fundið skipið sem skaut drónunum Erlent Átján tegundir af sólarvörn teknar úr sölu í Ástralíu Erlent Fossvogsbrúin sé álíka gáfuleg og að setja göngustíg í Reynisfjöru Innlent Fleiri fréttir Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Viðreisn býður fram undir eigin merkjum í Árborg Ekið á hjólreiðamann og hann fluttur á bráðamóttöku Val á þingflokksformanni bíður betri tíma Tvö vilja byggja Fossvogsbrú en bæði yfir áætluðum kostnaði Tálbeitan ákærð fyrir rangt brot Ekki sama manneskjan eftir hörmungarnar á Gasa Skorar á ríkisstjórnina að fjármagna íslenskunám Eggert Benedikt settur forstjóri Hafró Samtök „gamalla karla“ sem sumum finnst „kúl“ Rafmagnslaust á Dalvík, Hrísey og nágrenni Hætt við sameiningu HA og Háskólans á Bifröst Bjóða Grindvíkingum á seiglunámskeið Fimmtungur getur ekki keypt afmælisgjafir fyrir börnin sín Reyna að bjarga starfseminni á Möltu og slæmar fregnir af makrílveiðinni Bein útsending: Loftslagsdagurinn Bein útsending: Staða launafólks á Íslandi Létu sér andlát Hjörleifs í léttu rúmi liggja Konur og háskólamenntaðir líklegri til að vilja frekari aðgerðir gegn Ísrael Bein útsending: Heilbrigðistæknilausnir og -þjónusta Biskup Íslands heimsækir Úkraínu Vissu af auknum töfum en óraði ekki fyrir viðbrögðunum Magga Stína á leið til Gasa með Frelsisflotanum Útköll vegna slagsmála Þurftu að finna lausn á uppskáldaðri hryðjuverkaárás á Íslandi Fossvogsbrúin sé álíka gáfuleg og að setja göngustíg í Reynisfjöru Ísland land númer 197 Skiptastjóri þurfi að ákveða hvort hann geri kröfu í dótturfélag Play Sjá meira