Bein út­sending: Hvernig þjónum við veg­far­endum á veturna?

Á fundinum munu fulltrúar ferðaþjónustufyrirtækja lýsa reynslu sinni af starfseminni um vetur á Íslandi. Hægt verður að fylgjast með fundinum í spilara að neðan.

Í tilkynningu frá Vegagerðinni segir að stöðugt sé kallað eftir aukinni þjónustu við vegakerfið að vetri. Atvinnusókn á landsbyggðinni hafi breyst og fólk sæki í meiri mæli vinnu milli bæjarfélaga.

„Þessi samfélagsbreyting kallar á aukna þjónustu við vegakerfið. Miklu skiptir einnig að afurðir og vörur komist klakklaust milli landshluta, þrátt fyrir hálku og fannfergi. Aukinni áherslu á vetrarferðamennsku fylgja einnig nýjar áskoranir.

Vegagerðin sinnir vetrarþjónustu á stórum hluta vegakerfis landsins . Þessum morgunfundi er ætlað að útskýra hvernig vetrarþjónustan fer fram og fá fram fleiri sjónarmið á þá þörf sem er fyrir vetrarþjónustu í þjóðfélaginu,“ segir í tilkynningunni.

Dagskrá fundarins:

• Opnun fundar Bergþóra Þorkelsdóttir, forstjóri Vegagerðarinnar.
• Fyrirkomulag vetrarþjónustunnar. Einar Pálsson, forstöðumaður vegaþjónustu Vegagerðarinnar.
• Á vaktinni – starfsemi vaktstöðvar. Árni Gísli Árnason, forstöðumaður vöktunar og upplýsinga hjá Vegagerðinni.
• Vetrarþjónusta – hópbifreiðar Harald Teitsson, framkvæmdastjóri Teits Jónassonar.
• Vetrarþjónusta – Eru bílaleigubílar fyrir? - Ingi Heiðar Bergþórsson, framkvæmdastjóri þjónustu- og starfsmannasviðs Hertz – Bílaleigu Flugleiða.