Í þessum nýja þætti fylgjum við Lil Curly, Dóru Júlíu og Kristínu Ruth á fyrstu beinu útsendingu af Idol. Þau taka stutt viðtöl við keppendur og fara yfir hápunkta kvöldsins. Svo kíkir enginn annar en Herra Hnetusmjör til þeirra í settið í kjúklingavængi og trúnó.
Skemmtanalíf Reykjavíkurborgar iðar sem aldrei fyrr og í þættinum taka þau einnig púlsinn á tónlistarkonunni ÁSDÍSI sem hélt tónleika á Húrra um síðustu helgi og fullt var út að dyrum. ÁSDÍS er með rúmlega 2,5 milljónir mánaðarlega hlustendur á streymisveitunni Spotify og er að gera það gott í hinum stóra heimi.
Þáttinn má horfa á í heild sinni í spilaranum hér fyrir neðan.
Í þáttunum Körrent ætla þau Lil Curly, Dóra Júlía og Kristín Ruth að vera með puttann á púlsinum á Idolinu næstu vikurnar ásamt því að fylgjast grant með víbrum borgarinnar og öllu sem er körrent í íslensku samfélagi í dag, hvort sem það er djammið eða háfleygir menningarviðburðir.
Þættirnir verða aðgengilegir á fimmtudögum á Vísi, Stöð 2 Vísi og Stöð 2+ ásamt því að vera í dagskrá á Stöð 2 á föstudögum fyrir kvöldfréttir.
