Mynd­band: Frá­bær stoð­sending Alberts

Hinn 25 ára gamli Albert var þarna að leggja upp sitt þriðja mark í 19 deildarleikjum á tímabilinu. Hann hefur einnig skorað þrjú mörk og virðist sem frammistaða hans á leiktíðinni sé farin að vekja athygli liða í efstu deild.

Í myndbandinu hér að neðan má sjá hvernig leikmenn Genoa, Albert þar á meðal, leika boltanum sín á milli og í gegnum fyrstu pressu Benevento. Sendingarnar eru orðnar alls 15 talsins þegar Albert fær boltann rétt fyrir aftan miðlínu og tekur á rás upp miðjan völlinn.

Þegar hann nálgast vítateig Benevento þá rennir Albert boltanum í hlaupaleið Massimo Coda sem skýtur að marki í fyrstu snertingu og skorar glæsilegt mark.

Sigur Genoa var mikilvægur í baráttunni um sæti í Serie A en liðið situr nú í 3. sæti með 39 stig að lokinni 21 umferð líkt og Reggina sem er sæti ofar en með betri markatölu. Á toppnum situr Frosinone með 45 stig.