Mikill viðbúnaður í íbúagötu á Sauðárkróki

Gunnar Hörður Garðarsson samskiptastjóri ríkislögreglustjóra staðfestir í samtali við fréttastofu að sérsveitin hafi verið send á staðinn en gat ekki veitt frekari upplýsingar að svo stöddu. Birgir Jónasson, lögreglustjóri á Norðurlandi vestra, vildi lítið sem ekkert sig um málið að svo stöddu. 

Ríkisútvarpið greindi fyrst frá. Í frétt Rúv er haft eftir sjónarvottum sem segja að um einhvers konar umsátur sé að ræða vegna vopnaðs manns sem sé innanhúss þar í götunni. Birgir Jónasson segir hins vegar að umsátur sé ekki rétta orðið yfir aðgerðir lögreglu sem standi þar yfir. 

Uppfært kl. 22:00: 

Aðgerðum lögreglu er nú lokið án handtöku. Ekki er grunur um ætlaða refsiverða háttsemi.