Vika gaslýsingar hjá FIFA Valur Páll Eiríksson skrifar 16. febrúar 2023 15:01 Infantino var mærði Katar í bak og fyrir í desember og hefur nú sent annað stórmót til Sádi-Arabíu. Getty Images Alþjóðaknattspyrnusambandið, FIFA, er sakað um allsherjar gaslýsingartilburði með sköpun nýrrar stöðu mannréttindafulltrúa hjá sambandinu. Ráðningin kemur upp samhliða nýjum samningum við ríki þar sem mannréttindi eru fótum troðin. Um tveir mánuðir eru frá því að keppni lauk á heimsmeistaramóti karla í fótbolta í Katar, mót sem sætti töluverðri gagnrýni vegna vals á gestgjöfum vegna mannréttindamála í ríkinu. Ekki síður sætti Gianni Infantino, forseti FIFA, gagnrýni fyrir umtal hans og tengsl við Katar, að ógleymdum búferlaflutningum hans til Katar. Þá eru flugfélagið Qatar Airways og orkufyrirtækið Qatar Energy á meðal aðalstyrktaraðila FIFA, ásamt Adidas, Coca-Cola og fleiri. FIFA hefur sætt gagnrýni að nýju í vikunni fyrir aðgerðir meintrar gaslýsingar, í skugga vals á gestgjöfum komandi heimsmeistaramóts félagsliða. Sambandið hóf vikuna á því að senda stuðningssskilaboð til tékkneska landsliðsmannsins Jakub Jankto, sem kom út úr skápnum á mánudaginn var. Hann er fyrsti virki karlkyns landsliðsmaðurinn í sögunni sem gerir það. We're all with you, Jakub. Football is for everyone — FIFA (@FIFAcom) February 13, 2023 Aðeins degi síðar tilkynnti sambandið svo um nýjan gestgjafa heimsmeistaramóts félagsliða sem fer fram í desember næstkomandi. Sádi-Arabía mun halda mótið og halda þar áfram gífurlegri sókn sinni í íþróttaheiminn. Sádar verða einnig á meðal helstu styrktaraðila HM kvenna í Ástralíu í sumar þar sem Visit Saudi auglýsingar munu vera áberandi. Knattspyrnuhetjan Alex Morgan gagnrýndi þá ákvörðun í síðustu viku. Sádar hafa farið mikinn síðustu misseri hvað gestgjafarétti varðar, þar sem Formúla 1, Ofurbikar Spánar og Ítalíu í fótbolta, HM félagsliða í handbolta og LIV golfmótaröðin eru á meðal verkefna. Þá mætti ofurstjarnan Cristiano Ronaldo til Al-Nassr í sádísku deildinni eftir heimsmeistaramótið og er honum ætlað að aðstoða ríkið við að tryggja sér gestgjafarétt HM landsliða karla árið 2030. BREAKING: Saudi Arabia will host the Club World Cup in December. pic.twitter.com/xKrPJKgDXU— Sky Sports News (@SkySportsNews) February 14, 2023 Sádar hafa verið sakaðir um stórfelld mannréttindabrot undanfarin ár og eru árlega á meðal efstu þjóða heims hvað aftökur varðar. Mannréttindastaða kvenna er bág og sem og staða hinseginsamfélagsins, sem FIFA lagði sig fram við að styðja með tísti við tilkynningu Jankto á mánudag. Þá var greint frá því í fyrradag að FIFA hafi tekið starfsviðtöl vegna nýrrar stöðu hjá sambandinu: Yfirmann mannréttinda- og sjálfbærnimála. Today in gaslighting https://t.co/Scn3KXA01U— Adam Crafton (@AdamCrafton_) February 14, 2023 Blaðamaðurinn Adam Crafton hjá The Athletic er á meðal þeirra sem hefur gagnrýnt sambandið fyrir gaslýsingartilburði með þessum aðgerðum. Gaslýsingu eða gaslighting, má lýsa sem tilraunum til að neita sífellt sök, afvegaleiða, setja fram mótsagnir og með því hanna atburðarrás sem ætlað er að verja hagsmuni sína. FIFA setji því fram mótsagnir í stuðningsyfirlýsingu við Jankto og sköpun nýrrar stöðu mannréttindafulltrúa til að koma ákveðnum pólitískum skilaboðum á framfæri varðandi stöðu sem þeir taki sér með mannréttindamálum. Þessu sé þá ætlað að afvegaleiða umræðu frá afstöðunni sem þeir taka með því að semja við Sádi-Arabíu. FIFA Sádi-Arabía Mannréttindi Hinsegin Mest lesið Elín Jóna ólétt og verður ekki með á HM Handbolti „Hrædd um að við séum að dragast aftur úr“ Fótbolti „Nýtti reynsluna úr vindinum heima til að halda þolinmæði“ Golf Hvaðan koma peningarnir sem Tottenham er að eyða? Fótbolti Líkti Cooper Flagg við Kobe Bryant Körfubolti Segir hitann á HM hættulegan Fótbolti Liverpool leggur númerið hans Jota á hilluna að eilífu Fótbolti Óttar Magnús færir sig um set á Ítalíu Fótbolti Dagskráin í dag: Meira, meira golf Sport Danska þjóðin í áfalli: „Verra en okkar versta martröð“ Sport Fleiri fréttir Hvaðan koma peningarnir sem Tottenham er að eyða? „Hrædd um að við séum að dragast aftur úr“ Óttar Magnús færir sig um set á Ítalíu Topplið ÍR tapaði þremur mikilvægum stigum Kærkominn endurkomusigur Grindvíkinga Liverpool leggur númerið hans Jota á hilluna að eilífu Segir hitann á HM hættulegan Belgar kveðja EM með sigri Spánn áfram með fullt hús stiga Yfirgefur herbúðir Chelsea tveimur dögum fyrir úrslitaleik Lárus Orri byrjaður að bæta við sig Bræðurnir heiðraðir í fyrsta æfingaleik Liverpool Crystal Palace fær ekki að spila í Evrópudeildinni Forest íhugar lögsókn gegn Tottenham Krabbameinslyf felldi fótboltamann á lyfjaprófi Fyrst Íslendinga til að skora og leggja upp í sama leik á EM EM í dag: Nóg komið af leiðindum, kveðjustund og Copacabana „Þetta snýst ekki bara um Sveindísi og Karólínu“ Sjáðu þáttinn um N1 mótið: Sprungnar vindsængur, lukkuljón og Ronaldo hárgreiðsla Ísak Snær lánaður til Lyngby Jordan Henderson snýr aftur í ensku úrvalsdeildina Arsenal og Liverpool að slá heimsmetið Þóra grætur í koddann ef Þorsteinn verður áfram með liðið Segir dóttur sína hafa gert mistök með því að velja íslenska landsliðið Wenger á allt annarri skoðun en Klopp United leitar að yfirmanni leikmannakaupa Skýrsla Arons: Stórum spurningum þarf að svara „Þegar við spilum svona þá uppskerum við yfirleitt“ Sveindís: Maður vinnur ekki leiki nema að skora mörk „Það var köld tuska í andlitið“ Sjá meira
Um tveir mánuðir eru frá því að keppni lauk á heimsmeistaramóti karla í fótbolta í Katar, mót sem sætti töluverðri gagnrýni vegna vals á gestgjöfum vegna mannréttindamála í ríkinu. Ekki síður sætti Gianni Infantino, forseti FIFA, gagnrýni fyrir umtal hans og tengsl við Katar, að ógleymdum búferlaflutningum hans til Katar. Þá eru flugfélagið Qatar Airways og orkufyrirtækið Qatar Energy á meðal aðalstyrktaraðila FIFA, ásamt Adidas, Coca-Cola og fleiri. FIFA hefur sætt gagnrýni að nýju í vikunni fyrir aðgerðir meintrar gaslýsingar, í skugga vals á gestgjöfum komandi heimsmeistaramóts félagsliða. Sambandið hóf vikuna á því að senda stuðningssskilaboð til tékkneska landsliðsmannsins Jakub Jankto, sem kom út úr skápnum á mánudaginn var. Hann er fyrsti virki karlkyns landsliðsmaðurinn í sögunni sem gerir það. We're all with you, Jakub. Football is for everyone — FIFA (@FIFAcom) February 13, 2023 Aðeins degi síðar tilkynnti sambandið svo um nýjan gestgjafa heimsmeistaramóts félagsliða sem fer fram í desember næstkomandi. Sádi-Arabía mun halda mótið og halda þar áfram gífurlegri sókn sinni í íþróttaheiminn. Sádar verða einnig á meðal helstu styrktaraðila HM kvenna í Ástralíu í sumar þar sem Visit Saudi auglýsingar munu vera áberandi. Knattspyrnuhetjan Alex Morgan gagnrýndi þá ákvörðun í síðustu viku. Sádar hafa farið mikinn síðustu misseri hvað gestgjafarétti varðar, þar sem Formúla 1, Ofurbikar Spánar og Ítalíu í fótbolta, HM félagsliða í handbolta og LIV golfmótaröðin eru á meðal verkefna. Þá mætti ofurstjarnan Cristiano Ronaldo til Al-Nassr í sádísku deildinni eftir heimsmeistaramótið og er honum ætlað að aðstoða ríkið við að tryggja sér gestgjafarétt HM landsliða karla árið 2030. BREAKING: Saudi Arabia will host the Club World Cup in December. pic.twitter.com/xKrPJKgDXU— Sky Sports News (@SkySportsNews) February 14, 2023 Sádar hafa verið sakaðir um stórfelld mannréttindabrot undanfarin ár og eru árlega á meðal efstu þjóða heims hvað aftökur varðar. Mannréttindastaða kvenna er bág og sem og staða hinseginsamfélagsins, sem FIFA lagði sig fram við að styðja með tísti við tilkynningu Jankto á mánudag. Þá var greint frá því í fyrradag að FIFA hafi tekið starfsviðtöl vegna nýrrar stöðu hjá sambandinu: Yfirmann mannréttinda- og sjálfbærnimála. Today in gaslighting https://t.co/Scn3KXA01U— Adam Crafton (@AdamCrafton_) February 14, 2023 Blaðamaðurinn Adam Crafton hjá The Athletic er á meðal þeirra sem hefur gagnrýnt sambandið fyrir gaslýsingartilburði með þessum aðgerðum. Gaslýsingu eða gaslighting, má lýsa sem tilraunum til að neita sífellt sök, afvegaleiða, setja fram mótsagnir og með því hanna atburðarrás sem ætlað er að verja hagsmuni sína. FIFA setji því fram mótsagnir í stuðningsyfirlýsingu við Jankto og sköpun nýrrar stöðu mannréttindafulltrúa til að koma ákveðnum pólitískum skilaboðum á framfæri varðandi stöðu sem þeir taki sér með mannréttindamálum. Þessu sé þá ætlað að afvegaleiða umræðu frá afstöðunni sem þeir taka með því að semja við Sádi-Arabíu.
FIFA Sádi-Arabía Mannréttindi Hinsegin Mest lesið Elín Jóna ólétt og verður ekki með á HM Handbolti „Hrædd um að við séum að dragast aftur úr“ Fótbolti „Nýtti reynsluna úr vindinum heima til að halda þolinmæði“ Golf Hvaðan koma peningarnir sem Tottenham er að eyða? Fótbolti Líkti Cooper Flagg við Kobe Bryant Körfubolti Segir hitann á HM hættulegan Fótbolti Liverpool leggur númerið hans Jota á hilluna að eilífu Fótbolti Óttar Magnús færir sig um set á Ítalíu Fótbolti Dagskráin í dag: Meira, meira golf Sport Danska þjóðin í áfalli: „Verra en okkar versta martröð“ Sport Fleiri fréttir Hvaðan koma peningarnir sem Tottenham er að eyða? „Hrædd um að við séum að dragast aftur úr“ Óttar Magnús færir sig um set á Ítalíu Topplið ÍR tapaði þremur mikilvægum stigum Kærkominn endurkomusigur Grindvíkinga Liverpool leggur númerið hans Jota á hilluna að eilífu Segir hitann á HM hættulegan Belgar kveðja EM með sigri Spánn áfram með fullt hús stiga Yfirgefur herbúðir Chelsea tveimur dögum fyrir úrslitaleik Lárus Orri byrjaður að bæta við sig Bræðurnir heiðraðir í fyrsta æfingaleik Liverpool Crystal Palace fær ekki að spila í Evrópudeildinni Forest íhugar lögsókn gegn Tottenham Krabbameinslyf felldi fótboltamann á lyfjaprófi Fyrst Íslendinga til að skora og leggja upp í sama leik á EM EM í dag: Nóg komið af leiðindum, kveðjustund og Copacabana „Þetta snýst ekki bara um Sveindísi og Karólínu“ Sjáðu þáttinn um N1 mótið: Sprungnar vindsængur, lukkuljón og Ronaldo hárgreiðsla Ísak Snær lánaður til Lyngby Jordan Henderson snýr aftur í ensku úrvalsdeildina Arsenal og Liverpool að slá heimsmetið Þóra grætur í koddann ef Þorsteinn verður áfram með liðið Segir dóttur sína hafa gert mistök með því að velja íslenska landsliðið Wenger á allt annarri skoðun en Klopp United leitar að yfirmanni leikmannakaupa Skýrsla Arons: Stórum spurningum þarf að svara „Þegar við spilum svona þá uppskerum við yfirleitt“ Sveindís: Maður vinnur ekki leiki nema að skora mörk „Það var köld tuska í andlitið“ Sjá meira