Oddur og félagar misstigu sig á toppnum

Gestirnir í Balingen höfðu yfirhöndina stærstan hluta fyrri hálfleiks þar sem liðið náði mest riggja marka forskoti. Illa gekk þó að hrista heimamenn af sér og staðan var 11-13 þegar flautað var til hálfleiks.

Eftir góða byrjun gestanna í síðari hálfleik náðu heimamenn sterku áhlaupi þar sem liðið skoraði fjögur mörk í röð og jafnaði leikinn í stöðunni 16-16. Heimamenn náðu svo upp þriggja marka forskoti þegar lítið var eftir af leiknum, en Oddur og félagar náðu að klóra sig aftur inn í leikinn og niðurstaðan varð jafntefli, 23-23.

Oddur var markahæsti maður Balingen í kvöld með fjögur mörk úr fimm skotum, en liðið trónir enn á toppi þýsku B-deildarinnar með 34 stig eftir 21 leik.