Heimamenn í GA Eagles byrjuðu leikinn af miklum krafti og voru komnir 2-0 yfir eftir rétt rúman stundarfjórðung. Því miður fyrir Willum Þór sem og heimamenn þurfti Íslendingurinn að fara meiddur af velli á 34. mínútu. Ekki er vitað hversu illa meiddur Willum Þór er.
Alfons kom inn af bekknum í hálfleik og þó Twente hafi verið meira með boltann og átt mun fleiri skot en heimamenn þá fór það svo að GA Eagles vann 2-0 sigur.
De blijven in ! #GAETWE pic.twitter.com/UNQmhXuXd4
— Go Ahead Eagles (@GAEagles) February 19, 2023
Sigurinn lyftir GA Eagles upp í 11. sæti deildarinnar með 25 stig að loknum 22 leikjum. Twente er á sama tíma í 5. sæti með 40 stig.
Þeir Willum Þór og Alfons voru teknir í skemmtilegt viðtal í aðdraganda leiksins sem sjá má hér að neðan.