Spjallað um hönnun -„Það má allt“ segir Berglind Berndsen

Úlfar Finsen, eigandi Módern fékk Berglindi til að gefa góð ráð varðandi val á húsgögnum og segja frá eigin hönnunarstíl.

Berglind segist fylgjandi „less is more“ stefnunni en það sé alltaf skemmtilegt að fara út fyrir þægindarammann og brjóta hlutina upp. 

„Það má allt,“ segir hún spurð hvort blanda megi saman viðartegundum og fleiri efnum. Það geti verið leiðigjarnt að sjá sama viðartóninn gegnumgangandi í öllu húsinu, persónulegur stíll þurfi að skína í gegn.

„Gott ráð til að gera rými hlýlegri er að huga að stemningslýsingu, t.d. fallegum gólflampa í stofu, kósý teppum í sófann og persónulegum hlutum fólks. Stórar og fallegar mottur taka síðan vel utan um stofuna.”

Berglind mælir með því að velja einföld og tímalaus húsgögn í dempuðum jarðtónum. Hægt sé að poppa upp með púðum í djúpum litum og með mikilli áferð.

Hönnuðir fá innblástur í Módern

„Við vinnum náið með arkitektum og hönnuðum. Þau geta komið til okkar  í verslunina og fengið innblástur, séð húsgögnin og möguleikana í áklæðum og útfærslum. Við þá hjálpum þeim að gera þeirra sýn að veruleika," segir Úlfar Finsen. 

Hann segir áherslur viðskiptavina hafa breyst, fólk leggi áherslu á góða endingu og gæði.

„Við sjáum það að fólk er farið að hugsa meira um og taka ákvarðanir út frá umhverfissjónarmiðum. Bæði sjáum við að fólk velur þá að versla færri og vandaðri vörur. Húsgögnin okkar eru lang flest umhverfisvottuð og smíðuð til að endast og endast.

Það sem aðgreinir okkur er að viðskiptavinurinn hefur val. Húsgögnin eru ekki bara sérpöntuð, heldur sérframleidd. Það einskorðast ekki bara við útlit, heldur líka þægindi og notkunarmöguleika.

Heimsþekkt vörmerki hjá Módern

Verslunin Módern býður upp á hágæða hönnun í húsgögnum, lýsingu og gjafavöru frá heimsþekktum hönnuðum. Þar er hægt að fá húsgögn sem eru framleidd eftir óskum og þörfum viðskiptavinarins.

Vörumerki Módern eru þekkt um allan heim meðal hönnuða og arkitekta fyrir framúrstefnulega hönnun og óviðjafnanleg gæði. Vörumerkin koma meðal annars frá Ítalíu, Danmörku og Þýskalandi. Frá Ítalíu eru það Minotti, Flexform, Baxter og Poliform og ljós frá Nemo. Frá Danmörku eru það framleiðendurnir Wendelbo, Kristensen & Kristensen og Handvark og frá Þýskalandi, Cor og Rolf Benz. 

Hjá Módern er lögð höfuðáhersla á persónulega þjónustu og faglega ráðgjöf.