Sjáðu mörkin sem komu Man. United áfram og markið sem sló út Tottenham

Sextán liða úrslit enska bikarsins kláruðust í gær og þar fór Manchester United áfram ásamt b-deildarliðum Burnley og Sheffield United og D-deildarliði Grimsby Town.

Hér fyrir neðan má sjá mörkin úr leikjum gærkvöldsins.

Manchester United lenti 0-1 undir á móti West Ham á Old Trafford en kom til baka og vann leikinn 3-1. Alejandro Garnacho og Fred skoruðu undir blálokin en fyrsta mark United var sjálfsmark á 77. mínútu. Said Benrahma hafði skorað fyrir West Ham á 54. mínútu.

Iliman Ndiaye tryggði B-deildarliði Sheffield United 1-0 sigur á úrvalsdeildarliði Tottenham.

Connor Roberts skoraði sigurmark Burnley á móti Fleetwood Town á 90. mínútu leiksins.

Gavan Holohan skoraði úr tveimur vítaspyrnum í 2-1 útisigri D-deildarliðs Grimsby Towná úrvalsdeildarliði Southampton og heimamenn náðu bara að minnka muninn.