Draymond fór í fýlu inn á vellinum í miðjum NBA-leik

Titilvörn Golden State er ekki að ganga eins vel og margir bjuggust en liðið tapaði þarna sínum öðrum leik í röð eftir að hafa steinlegið á móti Los Angeles Lakers liðinu í leiknum á undan.

Lykilmenn eins og Stephen Curry hafa verið mikið meiddir og þá virðist leiðtoginn Draymond Green vera í litlu jafnvægi.

Green fór þannig í fýlu í miðjum leik á móti Thunder þegar Jordan Poole gaf ekki boltann á hann. Green sveiflaði höndum og hætti síðan að spila. Sending sem átti að fara á hann fór því beint í hendur mótherjanna.

Green var hvergi sjáanlegur þegar Thunder liðið fór í sókn og það var ótrúlegt að sjá reynslubolta og atvinnumann hafa sér svona.

Þetta minnti líka á annað atvik á milli Green og Poole. Það varð frægt fyrir tímabil þegar Green rést á liðsfélaga sinn Poole í æfingabúðum liðsins. Green var sendur í leyfi en kom fljótlega aftur til baka.

Steve Kerr talaði um það eftir leik að liðið hafi farið úr sambandi eftir þetta fýlukast Green sem kom í öðrum leikhluta.

Það má sjá þetta atvik með því að fletta í færslunni hér fyrir neðan.