Allt að tíu fastir í húsa­rústum eftir sprengingu

Fimm hafa verið fluttir á spítala til aðhlynningar en enginn þeirra er í lífshættu. Þetta hefur Reuters eftir Gerald Darmanin, innanríkisráðherra Frakklands.

Ekki liggur fyrir hvað olli sprengingunni en út frá henni hefur kviknað eldur sem hefur verið steinn í götu viðbragðsaðila á vettvangi. Darmanin telur að það muni taka slökkvilið þónokkrar klukkustundir að ráða niðurlögum eldsins.

Þá segir í frétt Reuters að þriðja byggingin hafi hrunið að hlut og að búið sé að rýma um þrjátíu byggingar á svæðinu.

Forsetinn Emmanuel Macron segir á Twitter að hugur sinn sé hjá íbúum Marseille.