Um er að ræða flóttafólk sem freistar þess að komast til Evrópu yfir hafið. Um 800 manns eru á öðrum bátnum sem er lítill fiskibátur en um 400 eru á hinum.
Strandgæsla landsins hefur nú þegar bjargað um 2000 manns frá því á föstudaginn langa. Vitað er um tvö dauðsföll um helgina en flóttamönnum sem fara þessa leið hefur fjölgað gríðarlega miðað við sama tíma í fyrra. Það gerist þrátt fyrir tilraunir nýrra hægri sinnaðra stjórnvalda á Ítalíu að skrúfa fyrir strauminn.
