Filippa fannst á lífi

Frá þessu var greint á blaðamannafundi lögreglu rétt í þessu. Kim Kliver lögreglustjóri á suður Sjálandi hóf fundinn með þeim gleðifregnum og sagði að lögreglan hafi ekki búist við því að geta flutt slíkar fregnir. Fyrr í dag var greint frá því að lögreglan rannsakaði hvarf Filippu sem sakamál.

Hann sagði Filippu vera með meðvitund en gaf ekkert frekar upp um líðan hennar.

Þá sagði Kliver í lok fundar að fleiri hafi verið handteknir í tengslum við málið.

Blaðamannafundinn má sjá á vef danska ríkisútvarpsins.

Megi ekki gera lítið úr því sem kom fyrir Filippu

Lögreglustjórinn var eðli málsins samkvæmt hrærður á blaðamannafundinum og þakkaði lögreglumönnum fyrir störf sín við leitina.

„Við teljum samstarfsmenn okkar hafi unnið mikið afrek. Við getum verið ánægð með útkomu þessa máls,“ sagði hann.

Þá segir hann að málið verði tekið mjög alvarlega þó að Filippa sé heil á húfi.

„Við getum glaðst yfir því að Filippa er fundin á lífi. En við verðum að meðhöndla þetta mál af nauðsynlegri nákvæmni. Og þannig megum við ekki gera lítið úr því sem Filippa varð fyrir,“ sagði Kliver.

Fréttin hefur verið uppfærð.