„Móðir mín er bara saklaus í hjartanu að gefa barninu hlaup“ Kolbeinn Tumi Daðason og Máni Snær Þorláksson skrifa 16. apríl 2023 17:24 Helga Kristín ásamt foreldrum sínum sem hvetja aðra foreldra til að vera á varðbergi þegar kemur að sælgæti. Vísir/Aðsend/EPA Fimm ára stúlka á Selfossi var hætt komin á dögunum eftir að hafa innbyrt hlaupbangsa fullan af kannabisefnum. Móðir stúlkunnar hvetur foreldra til að vera vel á verði. Málið er óupplýst. Lögreglan á Suðurlandi greindi frá því á föstudaginn að til rannsóknar væri mál þar sem barn hefði innbyrt sælgæti sem innihélt ólöglegt fíkniefni. „Svona mál koma því miður upp annað slagið hér á landi og eru þau litin mjög alvarlegum augum. Einhverra hluta vegna er efnum komið fyrir í hlaup „fígúrum“ dulbúið sem sælgæti sem oftast er markaðsett fyrir börn. Rannsókn málsins beinist m.a. að því að kanna hvort um einangrað tilvik á svæðinu sé að ræða en það skal tekið fram að frekari upplýsingar um hana verða ekki gefnar á þessu stigi málsins,“ sagði í tilkynningu lögreglu. Anna María Hoffmann Guðgeirsdóttir er móðir þeirrar litlu. Hún vekur á Facebook-síðu sinni athygli á því að fimm ára dóttir þeirra hafi vaknað með hita þann 31. mars. Amma stúlkunnar hafi passað hana á meðan Anna María fór til vinnu á leikskóla. Í hádeginu var í góðu lagi með þá fimm ára. Sjúkrabílar á leiðinni „Ég er svo í hvíld með börnin á deildinni minni þegar að yfirmaður minn kemur og segir mér að ég þurfi að drífa mig heim því það sé eitthvað að hjá yngstu stelpunni minni. Ég rýk af stað og hringi í manninn minn sem segir að barnið sé meðvitundarlítið og sjúkrabílar séu á leiðinni heim. Þegar ég kem heim eru fjórir sjúkraflutningsmenn inni hjá mér,“ segir Anna María í færslunni. Einn aðili hafi haldið á dóttur hennar hálf meðvitundarlausri og ælandi. „Fórum beint á Barnaspítalann með hana í sjúkrabíl og eldri systkinin eftir að bíða frétta. Þegar á Barnaspítalann er komið eru teknar blóðprufur, mænuástunga og þvagsýni til að rannsaka og þá kemur í ljós að það mælist kannabis í þvagi. Við foreldrarnir eitt spurningamerki því enginn í kringum okkur og hvað þá við að nota svoleiðis. Eldri börnin tvö spurð hvort þau könnuðust við eitthvað við þetta og bæði svöruðu „Hvað er kannabis?“ þar með voru þá hreinsuð af grun. Þau ásamt ömmu sinni fara að skoða um heima hvort eitthvað þessu líkt sé á heimilinu þegar að sonur minn spyr hvort hann megi fá síðasta bangsann af hlauppoka sem Helga hafði verið að borða.“ Amman hafði fundið pokann í bílnum sínum og talið hann vera innan úr páskaeggi. Pokinn hafi verið þannig, innsiglaður og úr þykku plasti. Amman hafi í sakleysi sínu gefið litlu stelpunni pokann til að gleðja veikt barnabarn sitt. Þurfti á súrefni að halda „Ekkert er vitað hvaðan pokinn kom eða hvernig, móðir mín hélt að einhver hefði borðað páskaegg í bílnum og skilið hlaupbangsapokann eftir. Sonur minn beit hausinn af bangsanum og sagði að hann væri vondt eftirbragð af honum og hann væri eitthvað skrítinn. Við þetta féll sá grunur á að þetta væri ekki venjulegur hlaupbangsi og spítalinn sendi lögregluna að rannsaka bangsann.“ Þá hafi komið í ljós að hlaupbangsarnir hafi verið með kannabis og áhrifin á barnið fjórföld á við það sem væri hjá fullorðnum. Stúlkan var með kannabiseitrun og haldið á gjörgæslu í sólarhring og svo annan á Barnaspítala Hringsins. „Sem betur fer voru lífsmörk hennar alltaf sterk en hún var með mjög hraðan púls og þurfti súrefni til að halda upp 100% súrefnismettun þar til um kvöldið.“ Fólk hreinsað af grun Sú fimm ára muni ekki bera neinn varanlegan skaða af þessu atviki sem sé ljósi punkturinn í þessu ferli. Sú litla er orðin full af orku og gleði á ný. „Páskarnir fóru svo í fjölskyldusamveru, njóta þess sem lífið hefur uppá að bjóða og meðtaka þetta áfall sem við urðum fyrir. Við höfum fengið áfallahjálp, fjölskyldumeðferð og sálfræðihjálp til að jafna okkur á þessu en það verður okkar helsta vinna næstu mánuði.“ Anna María segir búið að rannsaka alla sem komu nálægt bílnum og hreinsa þá af grun, eftir því sem hún kemst næst. „Enginn veit hvaðan pokinn kom eða hvernig hann komst í bílinn og það er það sem við erum varnarlaus gagnvart. Við viljum koma því út til samfélagsins að allskonar efni eru komin í hlaup form og varið börnin og aðra við því að þetta sé í umhverfinu. Ef þið ætlið að gefa börnum og öðrum sælgæti er gott að kaupa það sjálf í búðinni.“ Lítinn áhuga á hlaupböngsum í dag Anna segir í samtali við fréttastofu að fjölskyldan hafi því ekki hugmynd um hvernig sælgætið kom inn í bílinn. Þau telja að mögulega hafi einhver losað sig við efnin og hent þeim inn í bíl ömmunnar sem læsi bílnum ekki alltaf. „Það er þetta sem við erum varnarlausust gagnvart, það er að við vitum ekkert hvaðan þetta kom eða hvernig þetta komst inn í bílinn. Maður hefur aldrei heyrt af þessu, móðir mín er bara saklaus í hjartanu að gefa barninu hlaup úr innsigluðum poka.“ Hún segir fjölskylduna enn vera að jafna sig eftir áfallið en að í lagi sé með Helgu. „Það er enginn varanlegur skaði sem barnið varð fyrir en hún var náttúrulega veik í tvo sólarhringa,“ segir Anna og bætir við að dóttir hennar hafi lítinn áhuga á því að borða hlaupbangsa eftir þetta allt saman. Auðvelt aðgengi fyrir ungt fólk Ekki er um einstakt atvik að ræða. Tvær stúlkur, þrettán og fjórtán ára, voru fluttar á sjúkrahús í maí 2020 eftir að hafa innbyrt hlaupbangsa. Þeir innihéldu morfín og kannabisefni. Rannsókn lögreglu leiddi í ljós að stúlkurnar voru á sama stað fyrr um kvöldið og var þeim báðum boðið að fá sér hlaup. „Ómeðvitaðar hvað væri í hlaupinu þá fengu þær sér og enduðu þær báðar á sjúkrahúsi. Málin bárust til okkar og rannsókn leiddi í ljós að stúlkurnar höfðu fengið þetta hjá ungum aðila sem hafði sjálfur keypt þetta af sér eldri manni,“ sagði í færslu Lögreglunnar á Suðurnesjum í maí 2020. Fram kom að aðgengi að fíkniefnum væri orðið greitt og auðvelt fyrir fólk að verða sér úti um slík efni á nokkrum mínútum. Árborg Börn og uppeldi Fíkniefnabrot Tengdar fréttir Tvær stúlkur fluttar á sjúkrahús eftir neyslu hlaupbangsa sem innihéldu fíkniefni Stúlkurnar innbyrtu morfín og kannabisefni. 24. maí 2020 11:23 Barn á Suðurlandi veiktist eftir að hafa innbyrt hlaupbangsa sem innihélt fíkniefni Lögreglan á Suðurlandi rannsakar nú mál þar sem barn hafði í gáleysi innbyrt sælgæti sem innihélt ólögleg fíkniefni. Upp komst um málið fyrr í mánuðinum. 14. apríl 2023 11:25 Mest lesið Öryggisráðið ákveður að taka yfir Gasa-borg Erlent Dvalarleyfi langtum dýrara í hinum Norðurlöndunum Innlent Keppa við Kínverja og Rússa um að koma kjarnakljúfi til tunglsins Erlent Nauðsynlegt að fólk fái úrræði til að vernda sig frá djúpfölsunum Innlent Skjálfti fannst á höfuðborgarsvæðinu Innlent Sektaður fyrir að aka á 321 kílómetra hraða Erlent Rússar enn að fá „samstöðustyrki“ en Úkraínumenn ekki Erlent Telja að lífvörður myndi aðeins gera ferðamenn kærulausari Innlent Íslendingurinn í Grikklandi laus úr haldi Innlent Lögreglurannsókn á banaslysi í Brúará „svo til“ lokið Innlent Fleiri fréttir Sveitarstjórn hafi látið aflífa hunda án heimildar Samskipti fanga í einangrun, tapsárir Danir og drottning Gleðigöngunnar Allir fundir við ESB „fyrst og fremst“ hagsmunagæsla Telja að lífvörður myndi aðeins gera ferðamenn kærulausari Esjan snjólaus og það óvenju snemma Íslendingurinn í Grikklandi laus úr haldi Dvalarleyfi langtum dýrara í hinum Norðurlöndunum Lögreglurannsókn á banaslysi í Brúará „svo til“ lokið Nauðsynlegt að fólk fái úrræði til að vernda sig frá djúpfölsunum Enginn handtekinn eftir hópslagsmálin Skjálfti fannst á höfuðborgarsvæðinu Finna áhugann dvína á meðan vinir berjast og deyja á vígvellinum „Það fer enginn lífvörður út í“ Reyndi að kaupa glás af nammi og kom upp um tíu ára bankaræningja Gufunesmálið: „Þetta átti aldrei að fara svona“ Lygilegar tilraunir til að hafa áhrif á sakborning, Reynisfjara og tollar Trumps Olíuleit á teikniborðinu og býst við tíðindum í vetur Smokkamaðurinn enn ófundinn Sjúkrabíllinn bilaður og kemst ekki með sjúkling úr Þakgili Þrír á þaki jeppa á kafi í Jökulsá í Lóni Gefur sig fram fimmtíu árum eftir bankarán í Kópavogi Alvarlegt vinnuslys í Skagafirði Undirbúa steypuvinnu fyrir nýju Ölfusárbrúna Þungar áhyggjur af „síversnandi stöðu Íslands“ „Yfirgangur gyðingahataranna er algerlega óþolandi“ Af hættustigi á óvissustig vegna eldgoss Sálfræðingar rukka hátt í 26 þúsund krónur Tollar, höfundarréttur og þögn lögreglu í kynferðisbrotamálum Engin málaferli vegna slyss á Breiðamerkurjökli Tveir skjálftar um 3,3 að stærð Sjá meira
Lögreglan á Suðurlandi greindi frá því á föstudaginn að til rannsóknar væri mál þar sem barn hefði innbyrt sælgæti sem innihélt ólöglegt fíkniefni. „Svona mál koma því miður upp annað slagið hér á landi og eru þau litin mjög alvarlegum augum. Einhverra hluta vegna er efnum komið fyrir í hlaup „fígúrum“ dulbúið sem sælgæti sem oftast er markaðsett fyrir börn. Rannsókn málsins beinist m.a. að því að kanna hvort um einangrað tilvik á svæðinu sé að ræða en það skal tekið fram að frekari upplýsingar um hana verða ekki gefnar á þessu stigi málsins,“ sagði í tilkynningu lögreglu. Anna María Hoffmann Guðgeirsdóttir er móðir þeirrar litlu. Hún vekur á Facebook-síðu sinni athygli á því að fimm ára dóttir þeirra hafi vaknað með hita þann 31. mars. Amma stúlkunnar hafi passað hana á meðan Anna María fór til vinnu á leikskóla. Í hádeginu var í góðu lagi með þá fimm ára. Sjúkrabílar á leiðinni „Ég er svo í hvíld með börnin á deildinni minni þegar að yfirmaður minn kemur og segir mér að ég þurfi að drífa mig heim því það sé eitthvað að hjá yngstu stelpunni minni. Ég rýk af stað og hringi í manninn minn sem segir að barnið sé meðvitundarlítið og sjúkrabílar séu á leiðinni heim. Þegar ég kem heim eru fjórir sjúkraflutningsmenn inni hjá mér,“ segir Anna María í færslunni. Einn aðili hafi haldið á dóttur hennar hálf meðvitundarlausri og ælandi. „Fórum beint á Barnaspítalann með hana í sjúkrabíl og eldri systkinin eftir að bíða frétta. Þegar á Barnaspítalann er komið eru teknar blóðprufur, mænuástunga og þvagsýni til að rannsaka og þá kemur í ljós að það mælist kannabis í þvagi. Við foreldrarnir eitt spurningamerki því enginn í kringum okkur og hvað þá við að nota svoleiðis. Eldri börnin tvö spurð hvort þau könnuðust við eitthvað við þetta og bæði svöruðu „Hvað er kannabis?“ þar með voru þá hreinsuð af grun. Þau ásamt ömmu sinni fara að skoða um heima hvort eitthvað þessu líkt sé á heimilinu þegar að sonur minn spyr hvort hann megi fá síðasta bangsann af hlauppoka sem Helga hafði verið að borða.“ Amman hafði fundið pokann í bílnum sínum og talið hann vera innan úr páskaeggi. Pokinn hafi verið þannig, innsiglaður og úr þykku plasti. Amman hafi í sakleysi sínu gefið litlu stelpunni pokann til að gleðja veikt barnabarn sitt. Þurfti á súrefni að halda „Ekkert er vitað hvaðan pokinn kom eða hvernig, móðir mín hélt að einhver hefði borðað páskaegg í bílnum og skilið hlaupbangsapokann eftir. Sonur minn beit hausinn af bangsanum og sagði að hann væri vondt eftirbragð af honum og hann væri eitthvað skrítinn. Við þetta féll sá grunur á að þetta væri ekki venjulegur hlaupbangsi og spítalinn sendi lögregluna að rannsaka bangsann.“ Þá hafi komið í ljós að hlaupbangsarnir hafi verið með kannabis og áhrifin á barnið fjórföld á við það sem væri hjá fullorðnum. Stúlkan var með kannabiseitrun og haldið á gjörgæslu í sólarhring og svo annan á Barnaspítala Hringsins. „Sem betur fer voru lífsmörk hennar alltaf sterk en hún var með mjög hraðan púls og þurfti súrefni til að halda upp 100% súrefnismettun þar til um kvöldið.“ Fólk hreinsað af grun Sú fimm ára muni ekki bera neinn varanlegan skaða af þessu atviki sem sé ljósi punkturinn í þessu ferli. Sú litla er orðin full af orku og gleði á ný. „Páskarnir fóru svo í fjölskyldusamveru, njóta þess sem lífið hefur uppá að bjóða og meðtaka þetta áfall sem við urðum fyrir. Við höfum fengið áfallahjálp, fjölskyldumeðferð og sálfræðihjálp til að jafna okkur á þessu en það verður okkar helsta vinna næstu mánuði.“ Anna María segir búið að rannsaka alla sem komu nálægt bílnum og hreinsa þá af grun, eftir því sem hún kemst næst. „Enginn veit hvaðan pokinn kom eða hvernig hann komst í bílinn og það er það sem við erum varnarlaus gagnvart. Við viljum koma því út til samfélagsins að allskonar efni eru komin í hlaup form og varið börnin og aðra við því að þetta sé í umhverfinu. Ef þið ætlið að gefa börnum og öðrum sælgæti er gott að kaupa það sjálf í búðinni.“ Lítinn áhuga á hlaupböngsum í dag Anna segir í samtali við fréttastofu að fjölskyldan hafi því ekki hugmynd um hvernig sælgætið kom inn í bílinn. Þau telja að mögulega hafi einhver losað sig við efnin og hent þeim inn í bíl ömmunnar sem læsi bílnum ekki alltaf. „Það er þetta sem við erum varnarlausust gagnvart, það er að við vitum ekkert hvaðan þetta kom eða hvernig þetta komst inn í bílinn. Maður hefur aldrei heyrt af þessu, móðir mín er bara saklaus í hjartanu að gefa barninu hlaup úr innsigluðum poka.“ Hún segir fjölskylduna enn vera að jafna sig eftir áfallið en að í lagi sé með Helgu. „Það er enginn varanlegur skaði sem barnið varð fyrir en hún var náttúrulega veik í tvo sólarhringa,“ segir Anna og bætir við að dóttir hennar hafi lítinn áhuga á því að borða hlaupbangsa eftir þetta allt saman. Auðvelt aðgengi fyrir ungt fólk Ekki er um einstakt atvik að ræða. Tvær stúlkur, þrettán og fjórtán ára, voru fluttar á sjúkrahús í maí 2020 eftir að hafa innbyrt hlaupbangsa. Þeir innihéldu morfín og kannabisefni. Rannsókn lögreglu leiddi í ljós að stúlkurnar voru á sama stað fyrr um kvöldið og var þeim báðum boðið að fá sér hlaup. „Ómeðvitaðar hvað væri í hlaupinu þá fengu þær sér og enduðu þær báðar á sjúkrahúsi. Málin bárust til okkar og rannsókn leiddi í ljós að stúlkurnar höfðu fengið þetta hjá ungum aðila sem hafði sjálfur keypt þetta af sér eldri manni,“ sagði í færslu Lögreglunnar á Suðurnesjum í maí 2020. Fram kom að aðgengi að fíkniefnum væri orðið greitt og auðvelt fyrir fólk að verða sér úti um slík efni á nokkrum mínútum.
Árborg Börn og uppeldi Fíkniefnabrot Tengdar fréttir Tvær stúlkur fluttar á sjúkrahús eftir neyslu hlaupbangsa sem innihéldu fíkniefni Stúlkurnar innbyrtu morfín og kannabisefni. 24. maí 2020 11:23 Barn á Suðurlandi veiktist eftir að hafa innbyrt hlaupbangsa sem innihélt fíkniefni Lögreglan á Suðurlandi rannsakar nú mál þar sem barn hafði í gáleysi innbyrt sælgæti sem innihélt ólögleg fíkniefni. Upp komst um málið fyrr í mánuðinum. 14. apríl 2023 11:25 Mest lesið Öryggisráðið ákveður að taka yfir Gasa-borg Erlent Dvalarleyfi langtum dýrara í hinum Norðurlöndunum Innlent Keppa við Kínverja og Rússa um að koma kjarnakljúfi til tunglsins Erlent Nauðsynlegt að fólk fái úrræði til að vernda sig frá djúpfölsunum Innlent Skjálfti fannst á höfuðborgarsvæðinu Innlent Sektaður fyrir að aka á 321 kílómetra hraða Erlent Rússar enn að fá „samstöðustyrki“ en Úkraínumenn ekki Erlent Telja að lífvörður myndi aðeins gera ferðamenn kærulausari Innlent Íslendingurinn í Grikklandi laus úr haldi Innlent Lögreglurannsókn á banaslysi í Brúará „svo til“ lokið Innlent Fleiri fréttir Sveitarstjórn hafi látið aflífa hunda án heimildar Samskipti fanga í einangrun, tapsárir Danir og drottning Gleðigöngunnar Allir fundir við ESB „fyrst og fremst“ hagsmunagæsla Telja að lífvörður myndi aðeins gera ferðamenn kærulausari Esjan snjólaus og það óvenju snemma Íslendingurinn í Grikklandi laus úr haldi Dvalarleyfi langtum dýrara í hinum Norðurlöndunum Lögreglurannsókn á banaslysi í Brúará „svo til“ lokið Nauðsynlegt að fólk fái úrræði til að vernda sig frá djúpfölsunum Enginn handtekinn eftir hópslagsmálin Skjálfti fannst á höfuðborgarsvæðinu Finna áhugann dvína á meðan vinir berjast og deyja á vígvellinum „Það fer enginn lífvörður út í“ Reyndi að kaupa glás af nammi og kom upp um tíu ára bankaræningja Gufunesmálið: „Þetta átti aldrei að fara svona“ Lygilegar tilraunir til að hafa áhrif á sakborning, Reynisfjara og tollar Trumps Olíuleit á teikniborðinu og býst við tíðindum í vetur Smokkamaðurinn enn ófundinn Sjúkrabíllinn bilaður og kemst ekki með sjúkling úr Þakgili Þrír á þaki jeppa á kafi í Jökulsá í Lóni Gefur sig fram fimmtíu árum eftir bankarán í Kópavogi Alvarlegt vinnuslys í Skagafirði Undirbúa steypuvinnu fyrir nýju Ölfusárbrúna Þungar áhyggjur af „síversnandi stöðu Íslands“ „Yfirgangur gyðingahataranna er algerlega óþolandi“ Af hættustigi á óvissustig vegna eldgoss Sálfræðingar rukka hátt í 26 þúsund krónur Tollar, höfundarréttur og þögn lögreglu í kynferðisbrotamálum Engin málaferli vegna slyss á Breiðamerkurjökli Tveir skjálftar um 3,3 að stærð Sjá meira
Tvær stúlkur fluttar á sjúkrahús eftir neyslu hlaupbangsa sem innihéldu fíkniefni Stúlkurnar innbyrtu morfín og kannabisefni. 24. maí 2020 11:23
Barn á Suðurlandi veiktist eftir að hafa innbyrt hlaupbangsa sem innihélt fíkniefni Lögreglan á Suðurlandi rannsakar nú mál þar sem barn hafði í gáleysi innbyrt sælgæti sem innihélt ólögleg fíkniefni. Upp komst um málið fyrr í mánuðinum. 14. apríl 2023 11:25