Inter í bikar­úr­slit á kostnað Juventus

Stuðningsfólk Juventus gat tekið gleði sína á ný þegar liðið fékk til baka stigin 15 sem dregin voru af því fyrr á leiktíðinni. Það var þó lítil gleði í kvöld er liðið féll úr leik í Coppa Italia, bikarkeppninni á Ítalíu.

Federico Dimarco skoraði það sem reyndist eina mark leiksins strax á 15. mínútu eftir undirbúning Nicolò Barella. Þrátt fyrir að Juventus hafi verið mikið mun meira með boltann átti liðið erfitt með að brjóta niður þéttan varnarmúr Inter.

Leiknum lauk með 1-0 sigri Inter og er liðið komið í úrslit Coppa Italia. Þar mun það að öllum líkindum mæta Fiorentina sem er 2-0 yfir í einvígi sínu gegn Cremonese.