Gengi Groningen á leiktíðinni hefur verið afleitt og er liðið fallið niður um deild. Segja má að stuðningsfólk félagsins sé vægast sagt ósátt með eignarhald félagsins. Þegar sex mínútur voru liðnar af leiknum var reyksprengjum kastað inn á völlinn. Þá hljóp stuðningsmaður Groningen inn á völlinn með borða sem mótmælti eignarhaldi félagsins.
Groningen vs. Ajax has been abandoned after just 10 minutes of play as the home fans threw smoke bombs on the pitch in protest of the club's relegation pic.twitter.com/kd2pMBpdLq
— B/R Football (@brfootball) May 14, 2023
Dómari leiksins stöðvaði leikinn en eftir að reykurinn hvarf á braut var leik haldið áfram. Aðeins þremur mínútum síðar var fleiri flugeldum kastað inn á völlinn. Ákvað dómarinn þá að hætta leik en það samræmist regluverki hollenska knattspyrnusambandsins.
Ajax er í 3. sæti deildarinnar á meðan Feyenoord tryggði sér titilinn í dag með 3-0 sigri á Willum Þór Willumssyni og félögum í Go Ahead Eagles.