Sjö fluttir á slysa­deild eftir al­var­legt um­ferðar­slys

Kristján Ingi Hjörvarsson, aðalvarðstjóri hjá lögreglunni á Vesturlandi staðfestir í samtali við fréttastofu að árekstur hafi orðið milli tveggja ökutækja.

„Það er búið að ræsa út þyrlu Gæslunnar ásamt sjúkrabílum og lögreglu. Viðbragðsaðilar eru að vinna á vettvangi,“ segir Kristján.

Uppfært klukkan 14:56:

Að sögn Kristjáns lentu sjö í slysinu. Fjórir farþeganna hafi verið fluttir með sjúkrabílum og þrír með þyrlu Landhelgisgæslunnar. 

Um er að ræða árekstur húsbíls og jepplings sem kom úr gagnstæðri átt. 

Vegurinn verður lokaður næsta klukkutímann eða næstu tvo, á meðan rannsóknarnefnd samgönguslysa og lögregla rannsaka vettvang.

Fréttin hefur verið uppfærð.