Brynjar Þór nýr fjár­mála­stjóri VÍS og Fossa

Þar segir að Brynjar hafi mikla reynslu af inn­lendum fjár­mála­markaði en hann hefur frá árinu 2018 starfað sem for­stöðu­maður eigna­stýringar Stapa líf­eyris­sjóðs. Þar áður var hann for­stöðu­maður sér­hæfðra fjár­festinga hjá Ís­lenskum verð­bréfum og for­stöðu­maður eigna­stýringar hjá Straumi fjár­festingar­banka.

Brynjar hefur auk þess fjöl­breytta reynslu af störfum er­lendis meðal annars sem for­stöðu­maður á lána­sviði Straums-Burðar­ás og verið bú­settur í London þar sem hann var fram­kvæmda­stjóri eigna­um­sýslu ALMC á­samt því að vera fram­kvæmda­stjóri CB Holding, sem var um tíma stærsti eig­andi West Ham United.

Hann er með MBA-gráðu frá Há­skólanum í Reykja­vík, próf í verð­bréfa­við­skiptum og BS-gráðu í við­skipta­fræði frá sama skóla.

Spennandi tímar fram­undan

„Fram­undan eru spennandi tímar hjá VÍS í kjöl­far stofnunar SIV eigna­stýringar og sam­einingar við Fossa fjár­festingar­banka. Sam­stæða þessara öflugu fé­laga býður upp á fjöl­mörg tæki­færi til vaxtar á trygginga- og fjár­mála­markaði. Ég er stoltur að taka við starfi fjár­mála­stjóra sam­stæðunnar og fullur til­hlökkunar að vinna með fram­úr­skarandi starfs­mönnum fé­laganna að á­fram­haldandi veg­ferð og sókn þeirra,” er haft eftir Brynjari Þór í til­kynningunni.

Hlut­hafar VÍS sam­þykktu kaupin á Fossum 14. júní síðast­liðinn en kaupin voru háð fyrir­vörum sem nú hefur öllum verið af­létt fyrir utan fyrir­vara um sam­þykki Fjár­mála­eftir­lits Seðla­banka Ís­lands fyrir því að VÍS fari með virkan eignar­hlut í Fossum fjár­festingar­banka hf. og Glym hf., og yfir 30 prósent eignar­hlut í T plús hf.

Brynjar Þór mun bera á­byrgð á fjár­málum sam­stæðu á­samt því að taka virkan þátt í við­skipta­þróun sam­einaðs fé­lags. Brynjar mun jafn­framt taka sæti í fram­kvæmda­stjórn þess. Haraldur Þórðar­son mun stýra rekstri sam­stæðunnar, Guð­ný Helga Her­berts­dóttir trygginga­rekstrinum, Stein­grímur Arnar Finns­son fjár­festingar­banka­starf­seminni og Arnór Gunnars­son SIV eigna­stýringu.

Sam­einað fé­lag verður öflugt fyrir­tæki á fjár­mála­markaði með víð­tækar starfs­heimildir til fjár­mála­þjónustu, að því er segir í til­kynningunni. Sam­einað fé­lag byggir á 106 ára sögu, breiðum við­skipta­manna­grunni, sterkum efna­hagi og er með víð­tæk tengsl við at­vinnu­líf og fjár­mála­markaði.

Um sé að ræða öfluga inn­viði fyrir fram­úr­skarandi þjónustu á sviði trygginga, fjár­festingar­banka, einka­banka, sjóða- og eigna­stýringar og annarrar sér­hæfðrar fjár­mála­þjónustu.