Andri Heiðar í eigendahóp Frumtaks Ventures Árni Sæberg skrifar 24. ágúst 2023 08:07 Andri Heiðar verður fjárfestingastjóri Frumtaks Ventures. Frumtak Ventures Andri Heiðar Kristinsson kemur inn í hóp eigenda Frumtak Ventures og verður fjárfestingastjóri. Undanfarið hefur hann starfað sem framkvæmdastjóri Stafræns Íslands í fjármála- og efnahagsráðuneytinu Í tilkynningu um vistaskiptin segir að Andri Heiðar muni gegna lykilhlutverki í frekari uppbyggingu Frumtaks sem leiðandi fjárfestis í sprota- og vaxtarfyrirtækjum, sem byggja á íslensku hugviti og nýsköpun. Hann muni leiða nýjar fjárfestingar Frumtaks ásamt því að styðja við og fylgja eftir fyrri fjárfestingum félagsins með núverandi eigendum. Hann hefur störf í nóvember næstkomandi. Frumtak hefur frá stofnun rekið þrjá vísisjóði sem hafa fjárfest í 35 fyrirtækjum fyrir um tíu milljarða króna. Þar á meðal eru fyrirtæki á borð við Controlant, Sidekick Health, 50skills, Meniga, Sportabler og Tulipop auk fjölmargra annarra. Vítæk reynsla af nýsköpun Andri Heiðar býr að tveggja áratuga reynslu í nýsköpun, tækni og stafrænni þróun bæði á Íslandi og úr Kísildalnum í Bandaríkjunum þar sem hann bjó og starfaði í sex ár. Andri kemur til Frumtaks úr fjármála- og efnahagsráðuneytinu þar sem hann starfar sem framkvæmdastjóri Stafræns Íslands og hefur leitt stafræna umbreytingu íslenska ríkisins undanfarin ár. Áður var Andri Heiðar þróunarstjóri hjá LinkedIn í San Francisco og stofnandi sprotafyrirtækisins Travelade ásamt því að hafa verið stofnandi Innovit (nú Klak Icelandic Startups) og frumkvöðlakeppninnar um Gulleggið fyrir um 15 árum síðan. Andri Heiðar þekkir því umhverfi sprotafyrirtækja og tækni einstaklega vel. Þá er Andri Heiðar englafjárfestir í yfir 25 sprotafyrirtækjum og hefur setið í stjórnum ýmissa fyrirtækja á borð við Meniga, PaxFlow, Farice og Vínklúbbsins. Andri Heiðar er með B.Sc. í rafmagns- og tölvuverkfræði frá Háskóla Íslands og MBA gráðu frá Stanford Háskóla. Íslenskt hugvit eigi mikið inni „Ég er mjög spenntur að geta lagt mitt af mörkum til að íslensk sprotafyrirtæki komist í fremstu röð í heiminum og nýta mína reynslu og tengslanet úr Kísildalnum og hér heima. Íslensk nýsköpunarfyrirtæki á borð við Controlant, Kerecis og fjölmörg önnur hafa náð glæsilegum árangri undanfarið en ég tel að íslenskt hugvit eigi mikið inni og sé rétt að byrja að springa út og blómstra. Það eru því sannarlega mikil tækifæri framundan. Markmið okkar í Frumtaki er að fjárfestingar okkar skili sér margfalt til baka og standist samanburð við ávöxtun hjá fremstu vísisjóðum (e. Venture capital) í heimi sem ég þekki vel til frá tíma mínum í Bandaríkjunum,“ er haft eftir Andra Heiðari í tilkynningu. Þá er haft eftir Svönu Gunnarsdóttur, framkvæmdastjóra Framtaks Ventures, að það sé frábært að fá Andra Heiðar til liðs við félagsins. Eigendur séu sannfærðir um að yfirgripsmikil reynsla hans og þekking muni reynast þeim og félögunum í eignasafni Frumtakssjóðanna ómetanleg við frekari uppbyggingu og vöxt. „Andri Heiðar hefur víðtæka reynslu af fjárfestingum í nýsköpun bæði hérlendis og erlendis og hefur gegnt lykilhlutverki í uppbyggingu frumkvöðlasamfélagsins hér á landi. Við höfum átt ánægjulegt samstarf um árabil og hlökkum til að sameina nú kraftana. Við deilum þeirri framtíðarsýn að fjárfestingar í íslensku hugviti og tækni séu grundvöllur verðmætasköpunar sem mun stuðla að sjálfbærum hagvexti til lengri tíma og verði undirstaða áframhaldandi hagsældar á Íslandi.“ Vistaskipti Nýsköpun Tækni Stjórnsýsla Mest lesið Leik lokið hjá Play Viðskipti innlent Kalla ráðherra og forstjóra Samgöngustofu fyrir samgöngunefnd Viðskipti innlent „Skrifast ekki á okkur að það hafi farið eins og er farið“ Viðskipti innlent Hækkun flugfargjalda muni skila sér í meiri verðbólgu Viðskipti innlent Ekki honum að kenna að Play hafi farið á hausinn Viðskipti Icelandair geti ekki svarað fyrir orðræðuna Viðskipti innlent Engin ást eftir milli flugmanna og stjórnenda Viðskipti innlent Norðlensk framleiðsla sem er að slá í gegn á Íslandi Samstarf Þjóðarskútan sé „vel í stakk búin til að sigla milli skers og báru í úfnum sjó“ Viðskipti innlent Play kvartaði undan Icelandair þremur vikum fyrir gjaldþrot Viðskipti innlent Fleiri fréttir Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Þjóðarskútan sé „vel í stakk búin til að sigla milli skers og báru í úfnum sjó“ Gjaldþrotaskiptabeiðni Play tekin fyrir í héraðsdómi Atvinnuleysi 5,3 prósent í ágúst Kalla ráðherra og forstjóra Samgöngustofu fyrir samgöngunefnd Hækkun flugfargjalda muni skila sér í meiri verðbólgu Leik lokið hjá Play „Skrifast ekki á okkur að það hafi farið eins og er farið“ Icelandair geti ekki svarað fyrir orðræðuna Play kvartaði undan Icelandair þremur vikum fyrir gjaldþrot Loka Kristjánsbakaríi Hætta rekstri tveggja skipa í hagræðingarskyni Engin ást eftir milli flugmanna og stjórnenda Sömu miðarnir kosti nú 370 þúsund Koma fólkinu heim með fimmtán milljóna króna leiguflugi Fargjöld ekki hækkuð af ásettu ráði Samgöngustofa fundaði nýlega með Play og fékk gögn frá KPMG „Við erum ekki með öll eggin í sömu körfu“ „Hver fyrir sig hvað það varðar“ Farþegar Play í Keflavík klóra sér í kollinum Ráðin sölu- og markaðsstjóri hjá Alfreð Kveðjubréf Einars forstjóra til starfsfólks Play er gjaldþrota Bein útsending: Staða aðfluttra á húsnæðismarkaði Spennandi tími til að opna nýjan fjölmiðill Lífsverk og Almenni lífeyrissjóðurinn í eina sæng Lagning gjaldþrota Fyrrverandi bankastjóri nýr forstjóri Thor landeldis Edda María leiðir stafræna markaðsþjónustu Vettvangs Sjá meira
Í tilkynningu um vistaskiptin segir að Andri Heiðar muni gegna lykilhlutverki í frekari uppbyggingu Frumtaks sem leiðandi fjárfestis í sprota- og vaxtarfyrirtækjum, sem byggja á íslensku hugviti og nýsköpun. Hann muni leiða nýjar fjárfestingar Frumtaks ásamt því að styðja við og fylgja eftir fyrri fjárfestingum félagsins með núverandi eigendum. Hann hefur störf í nóvember næstkomandi. Frumtak hefur frá stofnun rekið þrjá vísisjóði sem hafa fjárfest í 35 fyrirtækjum fyrir um tíu milljarða króna. Þar á meðal eru fyrirtæki á borð við Controlant, Sidekick Health, 50skills, Meniga, Sportabler og Tulipop auk fjölmargra annarra. Vítæk reynsla af nýsköpun Andri Heiðar býr að tveggja áratuga reynslu í nýsköpun, tækni og stafrænni þróun bæði á Íslandi og úr Kísildalnum í Bandaríkjunum þar sem hann bjó og starfaði í sex ár. Andri kemur til Frumtaks úr fjármála- og efnahagsráðuneytinu þar sem hann starfar sem framkvæmdastjóri Stafræns Íslands og hefur leitt stafræna umbreytingu íslenska ríkisins undanfarin ár. Áður var Andri Heiðar þróunarstjóri hjá LinkedIn í San Francisco og stofnandi sprotafyrirtækisins Travelade ásamt því að hafa verið stofnandi Innovit (nú Klak Icelandic Startups) og frumkvöðlakeppninnar um Gulleggið fyrir um 15 árum síðan. Andri Heiðar þekkir því umhverfi sprotafyrirtækja og tækni einstaklega vel. Þá er Andri Heiðar englafjárfestir í yfir 25 sprotafyrirtækjum og hefur setið í stjórnum ýmissa fyrirtækja á borð við Meniga, PaxFlow, Farice og Vínklúbbsins. Andri Heiðar er með B.Sc. í rafmagns- og tölvuverkfræði frá Háskóla Íslands og MBA gráðu frá Stanford Háskóla. Íslenskt hugvit eigi mikið inni „Ég er mjög spenntur að geta lagt mitt af mörkum til að íslensk sprotafyrirtæki komist í fremstu röð í heiminum og nýta mína reynslu og tengslanet úr Kísildalnum og hér heima. Íslensk nýsköpunarfyrirtæki á borð við Controlant, Kerecis og fjölmörg önnur hafa náð glæsilegum árangri undanfarið en ég tel að íslenskt hugvit eigi mikið inni og sé rétt að byrja að springa út og blómstra. Það eru því sannarlega mikil tækifæri framundan. Markmið okkar í Frumtaki er að fjárfestingar okkar skili sér margfalt til baka og standist samanburð við ávöxtun hjá fremstu vísisjóðum (e. Venture capital) í heimi sem ég þekki vel til frá tíma mínum í Bandaríkjunum,“ er haft eftir Andra Heiðari í tilkynningu. Þá er haft eftir Svönu Gunnarsdóttur, framkvæmdastjóra Framtaks Ventures, að það sé frábært að fá Andra Heiðar til liðs við félagsins. Eigendur séu sannfærðir um að yfirgripsmikil reynsla hans og þekking muni reynast þeim og félögunum í eignasafni Frumtakssjóðanna ómetanleg við frekari uppbyggingu og vöxt. „Andri Heiðar hefur víðtæka reynslu af fjárfestingum í nýsköpun bæði hérlendis og erlendis og hefur gegnt lykilhlutverki í uppbyggingu frumkvöðlasamfélagsins hér á landi. Við höfum átt ánægjulegt samstarf um árabil og hlökkum til að sameina nú kraftana. Við deilum þeirri framtíðarsýn að fjárfestingar í íslensku hugviti og tækni séu grundvöllur verðmætasköpunar sem mun stuðla að sjálfbærum hagvexti til lengri tíma og verði undirstaða áframhaldandi hagsældar á Íslandi.“
Vistaskipti Nýsköpun Tækni Stjórnsýsla Mest lesið Leik lokið hjá Play Viðskipti innlent Kalla ráðherra og forstjóra Samgöngustofu fyrir samgöngunefnd Viðskipti innlent „Skrifast ekki á okkur að það hafi farið eins og er farið“ Viðskipti innlent Hækkun flugfargjalda muni skila sér í meiri verðbólgu Viðskipti innlent Ekki honum að kenna að Play hafi farið á hausinn Viðskipti Icelandair geti ekki svarað fyrir orðræðuna Viðskipti innlent Engin ást eftir milli flugmanna og stjórnenda Viðskipti innlent Norðlensk framleiðsla sem er að slá í gegn á Íslandi Samstarf Þjóðarskútan sé „vel í stakk búin til að sigla milli skers og báru í úfnum sjó“ Viðskipti innlent Play kvartaði undan Icelandair þremur vikum fyrir gjaldþrot Viðskipti innlent Fleiri fréttir Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Þjóðarskútan sé „vel í stakk búin til að sigla milli skers og báru í úfnum sjó“ Gjaldþrotaskiptabeiðni Play tekin fyrir í héraðsdómi Atvinnuleysi 5,3 prósent í ágúst Kalla ráðherra og forstjóra Samgöngustofu fyrir samgöngunefnd Hækkun flugfargjalda muni skila sér í meiri verðbólgu Leik lokið hjá Play „Skrifast ekki á okkur að það hafi farið eins og er farið“ Icelandair geti ekki svarað fyrir orðræðuna Play kvartaði undan Icelandair þremur vikum fyrir gjaldþrot Loka Kristjánsbakaríi Hætta rekstri tveggja skipa í hagræðingarskyni Engin ást eftir milli flugmanna og stjórnenda Sömu miðarnir kosti nú 370 þúsund Koma fólkinu heim með fimmtán milljóna króna leiguflugi Fargjöld ekki hækkuð af ásettu ráði Samgöngustofa fundaði nýlega með Play og fékk gögn frá KPMG „Við erum ekki með öll eggin í sömu körfu“ „Hver fyrir sig hvað það varðar“ Farþegar Play í Keflavík klóra sér í kollinum Ráðin sölu- og markaðsstjóri hjá Alfreð Kveðjubréf Einars forstjóra til starfsfólks Play er gjaldþrota Bein útsending: Staða aðfluttra á húsnæðismarkaði Spennandi tími til að opna nýjan fjölmiðill Lífsverk og Almenni lífeyrissjóðurinn í eina sæng Lagning gjaldþrota Fyrrverandi bankastjóri nýr forstjóri Thor landeldis Edda María leiðir stafræna markaðsþjónustu Vettvangs Sjá meira