Í dag var árleg spá forráðamanna liðanna í Olís- og Grill 66-deildunum í handbolta kynnt. Kynningarfundurinn hófst klukkan 12:15. Útsendingu frá honum má sjá hér fyrir neðan.
Keppni í Olís-deild karla hefst á fimmtudaginn en Olís-deild kvenna hefst á laugardaginn. Keppni í Grill 66-deildunum hefst svo síðar í mánuðinum.
FH er spáð sigri í Olís-deild karla. Aron er kominn aftur heim í Kaplakrika eftir glæstan feril í atvinnumennsku og ef marka má spánna byrjar hann strax að vinna titla með FH.
FH fékk 391 af 395 stigum í kosningunni. Val, Íslandsmeisturunum 2021 og 2022, er spáð 2. sæti, bikarmeisturum Aftureldingar 3. sætinu og Íslandsmeisturum ÍBV því fjórða.
Ef spáin rætist falla nýliðar HK og Víkings strax aftur niður í Grill 66-deildina.
Íslandsmeisturum Vals er spáð yfirburðasigri í Olís-deild kvenna. Valur fékk 167 stig af 168 mögulegum í kosningunni. Haukum er spáð 2. sætinu og deildar- og bikarmeisturum ÍBV því þriðja.
Nýliðum Aftureldingar og ÍR er spáð falli í Grill 66-deildina.
ÍR fékk 213 af 218 stigum mögulegum í kosningunni í Grill 66 deild karla. Ef spáin rætist endar Hörður í 2. sæti deildarinnar. Liðin féllu úr Olís-deildinni á síðasta tímabili.
Selfoss er spáð 1. sætinu í Grill 66 deild kvenna og Gróttu 2. sætinu. Selfyssingar fengu yfirburðakosningu, eða 239 stig af 242 mögulegum.
Spáin í Olís-deild karla
- FH - 391
- Valur - 347
- Afturelding - 335
- ÍBV - 325
- Haukar - 267
- Fram - 254
- Stjarnan - 201
- Selfoss - 176
- KA - 167
- Grótta - 121
- HK - 116
- Víkingur - 72
Spáin í Olís-deild kvenna
- Valur - 167
- Haukar - 139
- ÍBV - 137
- Fram - 121
- Stjarnan - 91
- KA/Þór - 80
- Afturelding - 54
- ÍR - 51
Spáin í Grill 66-deild karla
- ÍR - 213
- Hörður - 179
- Þór - 167
- Fjölnir - 158
- Valur U - 147
- Haukar U - 99
- KA U - 88
- HK U - 86
- Víkingur U - 51
- Fram U - 0*
*Fram U fékk ekki stig því liðið bættist við eftir að atkvæðaseðlum hafi verið skilað inn. Fram U tók sæti Kórdrengja í deildinni.
Spáin í Grill 66-deild kvenna
- Selfoss - 239
- Grótta - 220
- FH - 173
- HK - 155
- Víkingur - 146
- Valur U - 117
- Fram U - 104
- Haukar U - 91
- Fjölnir - 72
- Berserkir - 33