Hlín skoraði og lagði upp í sigri Kristianstad

Hlín lagði upp fyrsta mark leiksins fyrir Sheila van den Bulk á 34. mínútu og var svo sjálf á ferðinni þegar hún tvöfaldaði forystu Kristianstad tveimur mínútum fyrir lok venjulegs leiktíma í fyrri hálfleik.

Gestirnir minnkuðu muninn á 57. mínútu, en nær komst Norrköping ekki og niðurstaðan varð 2-1 sigur Kristianstad. 

Hlín Eiríksdóttir lék allan leikinn í liði Kristianstad í dag, en Emelía Óskarsdóttir kom inn á sem varamaður stuttu fyrir leikslok. Elísabet Gunnarsdóttir er þjálfari liðsins.

Kristianstad situr nú í sjötta sæti deildarinnar með 38 stig eftir 20 leiki, 18 stigum meira en Norrköping sem situr í áttunda sæti.