Formúla 1

Red Bull meistari bílasmiða annað árið í röð

Siggeir Ævarsson skrifar
Verstappen og félagar hans í Redbull liðinu fagna titli bílasmiða
Verstappen og félagar hans í Redbull liðinu fagna titli bílasmiða Vísir/Getty

Keppnislið Red Bull landaði sínum sjötta titli bílasmiða í Japan í morgun þrátt fyrir að aðeins annar ökumaður liðsins lyki keppni. Yfirburðir Red Bull hafa verið algjörir í ár en liðið er með tæplega 300 stiga forskot á Mercedes.

Þetta er annað árið í röð sem Red Bull vinnur titilinn eftirsótta en munurinn á 1. og 2. sæti hefur aldrei verið jafn mikill í sögu Formúlu 1. Því ber þó að halda til haga að enn er sex keppnir eftir af tímabilinu en miðað við frammistöðu Max Verstappen hingað til gæti munurinn vel orðið meiri.

Verstappen kom með 26 stig í hús sem dugði Red Bull til sigurs. Ökumenn Mercedes, þeir Lewis Hamilton og George Russell áttu í stökustu vandræðum í keppninni í dag og enduðu í 5. og 7. sæti sem skilaði liði þeirra 16 stigum alls.

Verstappen sagðist vera ánægður með sigurinn en það mikilvægasta væri sigur liðsins:

„Þetta var ótrúleg helgi. Að vinna hérna var frábært og mér fannst bíllinn virka virkilega vel. En auðvitað var það mikilvægasta að vinna einnig keppni bílasmiða. Ég er mjög stoltur af öllum sem voru að vinna á brautinni en líka þeim sem vinna í verksmiðjunni. Við erum að eiga ótrúlegt ár.“

Akstursíþróttir

Tengdar fréttir

Verstappen með níu fingur á titlinum

Max Verstappen bar sigur úr býtum í Japanskappakstrinum í morgun með miklum yfirburðum en hann kom í mark 19 sekúndum á undan Lando Norris ökumanni McLaren Mercedes.

Lewis Hamilton: Mjög slæmur dagur

Ökuþórinn Lewis Hamilton viðurkenndi í viðtali í dag að hann hafi átt erfitt uppdráttar í gegnum báðar æfingarnar sem fóru fram í Japan í nótt.

Mest lesið


Fleiri fréttir

Sjá meira


×

Mest lesið