Segir gert lítið úr landsliðinu og afreksmönnum Hallgerður Kolbrún E. Jónsdóttir skrifar 27. september 2023 09:13 Egill Blöndal er einn besti glímukappi landsins, margfaldur Íslandsmeistari og Norðurlandameistari. Hann var ekki valinn í a-landsliðið að þessu sinni. Aðsend Margfaldur Íslandsmeistari í Júdó sem er jafnframt sá besti á landinu í dag samkvæmt punktalista var ekki valinn í a-landsliðið og fær því ekki möguleika á að fara á næstu Ólympíuleika. Hann segist vonsvikinn og Júdósambandið gera lítið úr landsliðinu og afreksmönnum með því að velja ekki þá bestu. Nýverið valdi landsliðsþjálfari í a-landslið í Júdó og urðu fyrir valinu tveir ungir menn, sem hvorugur er ofarlega á punktalista Júdósambands Íslands. Listinn segir til um afrek hvers keppanda, hversu margar glímur hann hefur unnið á tímabilinu og svo framvegis. Júdódeild UMFS sendi Júdósambandinu í byrjun septembermánaðar fyrirspurn vegna valsins en iðulega hafa bestu Júdókappar landsins hverju sinni verið valdir í liðið - það er að segja, þeir sem eru efst á punktalistanum. Svör Júdósambands Íslands voru á þá vegu að keppendurnir tveir sem urðu fyrir valinu séu ungir og efnilegir, sýni mikinn áhuga og æfi mikið og verið sé að undirbúa þá fyrir Ólympíuleikana 2028. Ekki nóg með að vera í a-landsliði heldur fá tvímenningarnir styrk til að sækja alþjóðleg stórmót. Til þess að eiga möguleika á að komast á Ólympíuleikana sem fara fram á næsta ári þurfa afreksmenn í Júdó að fara á alþjóðleg mót, til að vinna sér inn stigin sem þarf. Þar að auki hafa Evrópulönd möguleika á að komast á svokallaðan Wildcard lista á Ólympíuleikana, sem eykur líkur á að komast á leikana töluvert. Aðrir Júdóglímukappar geta sótt stórmótin en þurfa hins vegar að kosta ferðirnar sjálfir, sem getur reynst dýrt, sérstaklega þegar mót fara fram í fjarlægum löndum. Þar má nefna mót helgarinnar sem fór fram í Aserbaídsjan. Borgað milljónir í æfinga- og keppnisferðir „Þetta kom manni bara svolítið á óvart. Það hefur tíðkast að senda þá sem eru efstir á punktalista og eru kannski með mestu afrekssöguna. Aldur hefur ekki skipt máli í fullorðinsflokknum,“ segir Egill Blöndal, Júdókappi. „Það er gert lítið úr landsliðinu og afreksmönnum með því að velja ekki þá bestu.“ Egill segir ábyrgðina liggja hjá landsliðsþjálfaranum, sem velur í liðið, og framkvæmdastjóra Júdósambandsins, sem hefur umráð yfir styrkveitingum. „Ég sé ekki fram á að vinna aftur með þessum landsliðsþjálfara eða framkvæmdastjóra. Maður þarf að treysta landsliðsþjálfaranum og virða hann og ég geri það ekki lengur eftir þetta.“ Egill er einn mesti afreksíþróttamaður Íslands í greininni. Hann er margfaldur Íslandsmeistari, varð Norðurlandameistari í fullorðinsflokki á þessu ári og vann til verðlauna á Smáþjóðaleikunum sömuleiðis. „Ég er nýorðinn 27 ára, þetta er ekki búið hjá mér. Þormóður, sem var margfaldur Ólympíufari, hann var kominn yfir þrítugt þegar hann fór síðast á leikana. Nú er mér sagt, eftir að ég er búinn að ferðast um allan heim, hef búið í Japan og París og borgað margar milljónir í keppnis- og æfingaferðir, að það eigi að hætta að styrkja mig. Þegar ég var á aldri þessara stráka sem voru valdir í liðið þá var ég að keppa mikið erlendis en borgaði oft sjálfur, þrátt fyrir að vera bestur á landinu á þeim aldri,“ segir Egill. Enginn séns á Ólympíuleikunum án fjárstuðnings Hann segist enga möguleika hafa á að komast á þau stórmót sem a-landsliðið fer á, án þess að fá við það fjárstuðning. „Það er ekki fræðilegur. Þetta er svo mikið og á afskekktum stöðum. Þetta eru mörg hundruð þúsund og þetta er eiginlega ekki hægt af einhverju viti. Við vorum tveir að reyna þetta fyrir síðustu Ólympíuleika, ég og Sveinbjörn Iura, og þetta er mjög mikið hark,“ segir Egill. Egill, sem er fyrir miðju, hefur unnið til fjölda verðlauna á alþjóðlegum mótum. Hann er einn fremsti Júdóglímukappi landsins.Aðsend „Það hefur aldrei verið þannig í minni keppnissögu að sambandið ætli ekki að styrkja mig neitt. Þeir hafa alltaf viljað koma aðeins til móts við mann þó það hafi ekki verið mikið í gegnum tíðina. Núna vilja þeir ekkert með mig hafa, sem er mjög skrítið því ég er hæstur á landinu á punktastöðunni, varð Norðurlandameistari í fullorðinsflokki á þessu ári og var einn af tveimur Íslendingum sem vann medalíu á Smáþjóðaleikunum á árinu. Samt sleit ég krossband og var í aðgerð síðasta nóvember. Og ég er samt ofar en allir hinir og margir fyrir ofan þessa tvo sem voru valdir í a-landsliðið.“ Heldurðu, ef þú kæmist á þessi stórmót, að þú ættir möguleika á að komast á Ólympíuleikana? „Þetta er alltaf svolítið longshot en ég ætti allavega meiri séns en hinir, eða ég tel það. En þá þyrfti ég líka að sækja hart í þessi mót. Ég var ofar á heimslista en nokkrir sem fóru á Ólympíuleikana á þessu Wildcard-i árið 2016. Ég var númer 93 eða 87 í heiminum og ef ég myndi ná því aftur og jafnvel aðeins ofar þá væri ég mjög líklegur að komast,“ segir Egill. „Manni er bara hent til hliðar“ Hann segir mjög leiðinlegt að fylgjast með Júdósambandinu hundsa þá kandídata sem ættu möguleika á að komast á næstu Ólympíuleika og þess í stað stökkva strax í næstu kynslóð. „Maður er bara vonsvikinn því það er Júdósambandið sem á að vera að styrkja mann og standa við bakið á manni. Þetta er mjög leiðinlegt því ég er nýkominn úr krossbandsslitum, byrjaði samt eiginlega allt of fljótt að keppa bara til að reyna að koma mér hátt á punktalista og vinna Íslandsmótið,“ segir Egill. Egill segir enga möguleika fyrir sig að komast á Ólympíuleikana nema með fjárstuðningi.Aðsend „Ég hefði eiginlega ekki átt að byrja að keppa fyrr en í september. Þannig að maður er búinn að fórna miklu fyrir þetta og þetta endar svona. Manni er bara hent til hliðar. Svo er bara sagt við mann að maður sé of gamall en núna er ég á besta aldri.“ Þrátt fyrir þetta slær hann ekki út af borðinu að reyna fyrir sér fyrir Ólympíuleikana 2028. Þá verður Egill 32 ára gamall. „Það fer bara eftir því hvernig líkaminn heldur sér. Ég hef alltaf æft jafn mikið og það var ekki á planinu að hætta.“ Hann segir landsliðsþjálfarann hafa sagt sér, þegar hann spurði út í valið, að nú sé komið að yngri iðkendum að fá að prófa að fara á stórmótin af því að hann og aðrir séu búnir að prófa það. „Ég var þá líka bara bestur á landinu, það var enginn annar í boði. Ég var alltaf bara bestur og þegar þú ert bestur ferðu á sterkustu mótin í a-landsliði.“ Fréttastofa hefur óskað eftir viðbrögðum frá Júdósambandinu en ekki borist svör. Júdó Ólympíuleikar 2024 í París Ólympíuleikar Ólympíuleikar 2028 í Los Angeles Tengdar fréttir „Óheppilegir hagsmunaárekstrar“ við val styrkþega og afreksfólk sniðgengið Mikil ólga er innan júdósamfélagsins vegna nýlegs vals í verkefni, sem greiðir fyrir tvo keppendur að komast á alþjóðleg mót. Sonur gjaldkera Júdósambands Íslands er einn tveggja sem var valinn, þrátt fyrir að vera ekki meðal þeirra glímukappa sem eru efstir á stigalista. 26. september 2023 09:00 Mest lesið Ósætti við úrelta löggjöf: „Sennilega eina þjóðin eftir í heiminum“ Sport „Ein besta markvarsla sem ég hef séð“ Fótbolti Slæm byrjun Vals hélt áfram í Garðabænum Handbolti Segir Leipzig hinn fullkomna áfangastað fyrir unga og efnilega leikmenn Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Rautt spjald snemma leiks dýrt spaug fyrir Börsunga Fótbolti „Vil miklu frekar eiga feril í MMA heldur en að vinna skrifstofustarf“ Sport Fleiri fréttir „Vil miklu frekar eiga feril í MMA heldur en að vinna skrifstofustarf“ Ósætti við úrelta löggjöf: „Sennilega eina þjóðin eftir í heiminum“ Segir Leipzig hinn fullkomna áfangastað fyrir unga og efnilega leikmenn Dagskráin í dag: Besta kvenna, Formúlu 1, hafnabolti, fótbolti og golf LIV-kylfingar mega áfram taka þátt í Ryder-bikarnum og PGA-meistaramótinu Elín Klara og Sara Sif sáu um Stjörnuna Seinna spjaldið var ekki viljandi: „Er bara pirraður og missi hausinn“ Slæm byrjun Vals hélt áfram í Garðabænum „Ein besta markvarsla sem ég hef séð“ Atlético lagði sprækt lið Leipzig „Höfðum mýmörg tækifæri til að klára þennan leik miklu fyrr“ Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Benfica og Leverkusen byrja á sterkum útisigrum Bjarki Már og Orri Freyr með stórsigra í Meistaradeildinni Uppgjörið: Afturelding - Fjölnir 3-1 | Brenndu víti en tóku tveggja marka forystu Guðrún Brá í góðri stöðu eftir sinn besta árangur Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Úlfur Ágúst orðaður við Messi og félaga á Miami Sparkað eftir tapið rosalega gegn Bayern FIA tók fyrir kvörtun Red Bull og hefur kveðið upp dóm sinn Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Framarar flæktir í óskýrum reglum HSÍ: „Þetta er alveg galið dæmi“ Með tvær ferðatöskur af fíkniefnum Haukur komið að nítján mörkum í fyrstu tveimur leikjunum í Meistaradeildinni Sjá meira
Nýverið valdi landsliðsþjálfari í a-landslið í Júdó og urðu fyrir valinu tveir ungir menn, sem hvorugur er ofarlega á punktalista Júdósambands Íslands. Listinn segir til um afrek hvers keppanda, hversu margar glímur hann hefur unnið á tímabilinu og svo framvegis. Júdódeild UMFS sendi Júdósambandinu í byrjun septembermánaðar fyrirspurn vegna valsins en iðulega hafa bestu Júdókappar landsins hverju sinni verið valdir í liðið - það er að segja, þeir sem eru efst á punktalistanum. Svör Júdósambands Íslands voru á þá vegu að keppendurnir tveir sem urðu fyrir valinu séu ungir og efnilegir, sýni mikinn áhuga og æfi mikið og verið sé að undirbúa þá fyrir Ólympíuleikana 2028. Ekki nóg með að vera í a-landsliði heldur fá tvímenningarnir styrk til að sækja alþjóðleg stórmót. Til þess að eiga möguleika á að komast á Ólympíuleikana sem fara fram á næsta ári þurfa afreksmenn í Júdó að fara á alþjóðleg mót, til að vinna sér inn stigin sem þarf. Þar að auki hafa Evrópulönd möguleika á að komast á svokallaðan Wildcard lista á Ólympíuleikana, sem eykur líkur á að komast á leikana töluvert. Aðrir Júdóglímukappar geta sótt stórmótin en þurfa hins vegar að kosta ferðirnar sjálfir, sem getur reynst dýrt, sérstaklega þegar mót fara fram í fjarlægum löndum. Þar má nefna mót helgarinnar sem fór fram í Aserbaídsjan. Borgað milljónir í æfinga- og keppnisferðir „Þetta kom manni bara svolítið á óvart. Það hefur tíðkast að senda þá sem eru efstir á punktalista og eru kannski með mestu afrekssöguna. Aldur hefur ekki skipt máli í fullorðinsflokknum,“ segir Egill Blöndal, Júdókappi. „Það er gert lítið úr landsliðinu og afreksmönnum með því að velja ekki þá bestu.“ Egill segir ábyrgðina liggja hjá landsliðsþjálfaranum, sem velur í liðið, og framkvæmdastjóra Júdósambandsins, sem hefur umráð yfir styrkveitingum. „Ég sé ekki fram á að vinna aftur með þessum landsliðsþjálfara eða framkvæmdastjóra. Maður þarf að treysta landsliðsþjálfaranum og virða hann og ég geri það ekki lengur eftir þetta.“ Egill er einn mesti afreksíþróttamaður Íslands í greininni. Hann er margfaldur Íslandsmeistari, varð Norðurlandameistari í fullorðinsflokki á þessu ári og vann til verðlauna á Smáþjóðaleikunum sömuleiðis. „Ég er nýorðinn 27 ára, þetta er ekki búið hjá mér. Þormóður, sem var margfaldur Ólympíufari, hann var kominn yfir þrítugt þegar hann fór síðast á leikana. Nú er mér sagt, eftir að ég er búinn að ferðast um allan heim, hef búið í Japan og París og borgað margar milljónir í keppnis- og æfingaferðir, að það eigi að hætta að styrkja mig. Þegar ég var á aldri þessara stráka sem voru valdir í liðið þá var ég að keppa mikið erlendis en borgaði oft sjálfur, þrátt fyrir að vera bestur á landinu á þeim aldri,“ segir Egill. Enginn séns á Ólympíuleikunum án fjárstuðnings Hann segist enga möguleika hafa á að komast á þau stórmót sem a-landsliðið fer á, án þess að fá við það fjárstuðning. „Það er ekki fræðilegur. Þetta er svo mikið og á afskekktum stöðum. Þetta eru mörg hundruð þúsund og þetta er eiginlega ekki hægt af einhverju viti. Við vorum tveir að reyna þetta fyrir síðustu Ólympíuleika, ég og Sveinbjörn Iura, og þetta er mjög mikið hark,“ segir Egill. Egill, sem er fyrir miðju, hefur unnið til fjölda verðlauna á alþjóðlegum mótum. Hann er einn fremsti Júdóglímukappi landsins.Aðsend „Það hefur aldrei verið þannig í minni keppnissögu að sambandið ætli ekki að styrkja mig neitt. Þeir hafa alltaf viljað koma aðeins til móts við mann þó það hafi ekki verið mikið í gegnum tíðina. Núna vilja þeir ekkert með mig hafa, sem er mjög skrítið því ég er hæstur á landinu á punktastöðunni, varð Norðurlandameistari í fullorðinsflokki á þessu ári og var einn af tveimur Íslendingum sem vann medalíu á Smáþjóðaleikunum á árinu. Samt sleit ég krossband og var í aðgerð síðasta nóvember. Og ég er samt ofar en allir hinir og margir fyrir ofan þessa tvo sem voru valdir í a-landsliðið.“ Heldurðu, ef þú kæmist á þessi stórmót, að þú ættir möguleika á að komast á Ólympíuleikana? „Þetta er alltaf svolítið longshot en ég ætti allavega meiri séns en hinir, eða ég tel það. En þá þyrfti ég líka að sækja hart í þessi mót. Ég var ofar á heimslista en nokkrir sem fóru á Ólympíuleikana á þessu Wildcard-i árið 2016. Ég var númer 93 eða 87 í heiminum og ef ég myndi ná því aftur og jafnvel aðeins ofar þá væri ég mjög líklegur að komast,“ segir Egill. „Manni er bara hent til hliðar“ Hann segir mjög leiðinlegt að fylgjast með Júdósambandinu hundsa þá kandídata sem ættu möguleika á að komast á næstu Ólympíuleika og þess í stað stökkva strax í næstu kynslóð. „Maður er bara vonsvikinn því það er Júdósambandið sem á að vera að styrkja mann og standa við bakið á manni. Þetta er mjög leiðinlegt því ég er nýkominn úr krossbandsslitum, byrjaði samt eiginlega allt of fljótt að keppa bara til að reyna að koma mér hátt á punktalista og vinna Íslandsmótið,“ segir Egill. Egill segir enga möguleika fyrir sig að komast á Ólympíuleikana nema með fjárstuðningi.Aðsend „Ég hefði eiginlega ekki átt að byrja að keppa fyrr en í september. Þannig að maður er búinn að fórna miklu fyrir þetta og þetta endar svona. Manni er bara hent til hliðar. Svo er bara sagt við mann að maður sé of gamall en núna er ég á besta aldri.“ Þrátt fyrir þetta slær hann ekki út af borðinu að reyna fyrir sér fyrir Ólympíuleikana 2028. Þá verður Egill 32 ára gamall. „Það fer bara eftir því hvernig líkaminn heldur sér. Ég hef alltaf æft jafn mikið og það var ekki á planinu að hætta.“ Hann segir landsliðsþjálfarann hafa sagt sér, þegar hann spurði út í valið, að nú sé komið að yngri iðkendum að fá að prófa að fara á stórmótin af því að hann og aðrir séu búnir að prófa það. „Ég var þá líka bara bestur á landinu, það var enginn annar í boði. Ég var alltaf bara bestur og þegar þú ert bestur ferðu á sterkustu mótin í a-landsliði.“ Fréttastofa hefur óskað eftir viðbrögðum frá Júdósambandinu en ekki borist svör.
Júdó Ólympíuleikar 2024 í París Ólympíuleikar Ólympíuleikar 2028 í Los Angeles Tengdar fréttir „Óheppilegir hagsmunaárekstrar“ við val styrkþega og afreksfólk sniðgengið Mikil ólga er innan júdósamfélagsins vegna nýlegs vals í verkefni, sem greiðir fyrir tvo keppendur að komast á alþjóðleg mót. Sonur gjaldkera Júdósambands Íslands er einn tveggja sem var valinn, þrátt fyrir að vera ekki meðal þeirra glímukappa sem eru efstir á stigalista. 26. september 2023 09:00 Mest lesið Ósætti við úrelta löggjöf: „Sennilega eina þjóðin eftir í heiminum“ Sport „Ein besta markvarsla sem ég hef séð“ Fótbolti Slæm byrjun Vals hélt áfram í Garðabænum Handbolti Segir Leipzig hinn fullkomna áfangastað fyrir unga og efnilega leikmenn Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Rautt spjald snemma leiks dýrt spaug fyrir Börsunga Fótbolti „Vil miklu frekar eiga feril í MMA heldur en að vinna skrifstofustarf“ Sport Fleiri fréttir „Vil miklu frekar eiga feril í MMA heldur en að vinna skrifstofustarf“ Ósætti við úrelta löggjöf: „Sennilega eina þjóðin eftir í heiminum“ Segir Leipzig hinn fullkomna áfangastað fyrir unga og efnilega leikmenn Dagskráin í dag: Besta kvenna, Formúlu 1, hafnabolti, fótbolti og golf LIV-kylfingar mega áfram taka þátt í Ryder-bikarnum og PGA-meistaramótinu Elín Klara og Sara Sif sáu um Stjörnuna Seinna spjaldið var ekki viljandi: „Er bara pirraður og missi hausinn“ Slæm byrjun Vals hélt áfram í Garðabænum „Ein besta markvarsla sem ég hef séð“ Atlético lagði sprækt lið Leipzig „Höfðum mýmörg tækifæri til að klára þennan leik miklu fyrr“ Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Benfica og Leverkusen byrja á sterkum útisigrum Bjarki Már og Orri Freyr með stórsigra í Meistaradeildinni Uppgjörið: Afturelding - Fjölnir 3-1 | Brenndu víti en tóku tveggja marka forystu Guðrún Brá í góðri stöðu eftir sinn besta árangur Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Úlfur Ágúst orðaður við Messi og félaga á Miami Sparkað eftir tapið rosalega gegn Bayern FIA tók fyrir kvörtun Red Bull og hefur kveðið upp dóm sinn Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Framarar flæktir í óskýrum reglum HSÍ: „Þetta er alveg galið dæmi“ Með tvær ferðatöskur af fíkniefnum Haukur komið að nítján mörkum í fyrstu tveimur leikjunum í Meistaradeildinni Sjá meira
„Óheppilegir hagsmunaárekstrar“ við val styrkþega og afreksfólk sniðgengið Mikil ólga er innan júdósamfélagsins vegna nýlegs vals í verkefni, sem greiðir fyrir tvo keppendur að komast á alþjóðleg mót. Sonur gjaldkera Júdósambands Íslands er einn tveggja sem var valinn, þrátt fyrir að vera ekki meðal þeirra glímukappa sem eru efstir á stigalista. 26. september 2023 09:00