Fótbolti

Roon­ey hættur hjá DC United

Runólfur Trausti Þórhallsson skrifar
Wayne Rooney er atvinnulaus.
Wayne Rooney er atvinnulaus. Andrew KatsampesGetty Images

Knattspyrnustjórinn Wayne Rooney hefur sagt starfi sínu lausu hjá bandaríska liðinu DC United. Liðið endaði í 9. sæti austursins í MLS-deildinni.

Þetta kemur fram í yfirlýsingu félagsins. Þar segir að það hafi verið sameiginlegur vilji beggja aðila að slíta samstarfinu.

Þrátt fyrir sigur á New York City í gær þá komst liðið ekki í úrslitakeppni MLS-deildarinnar og því virtust báðir aðilar sáttir með að halda samstarfi sínu ekki áfram. Rooney sagðist hafa gert allt í sínu valdi til að koma félaginu í úrslitakeppnina.

Hinn 37 ára gamli Rooney snýr aftur til Englands en þar stýrði hann Derby County frá 2020 til 2022 áður en hann færði sig yfir til Bandaríkjanna. Hvað tekur nú við er óvíst en Rooney átti magnaðan feril með Manchester United og enska landsliðinu.

Fótbolti Bandaríski fótboltinn

Mest lesið


Fleiri fréttir

Sjá meira


×

Mest lesið