Menn uppskera eins og þeir sá Hjálmtýr Heiðdal skrifar 8. október 2023 23:30 Fjöldi Ísraela og Palestínumanna liggur í valnum í átökum sem nú geysa í Ísrael og Palestínu og mun tala fallinna enn hækka á næstu dögum. Öll fórnarlömb átakanna eru fórnarlömb síonismans - jafnt Ísraelar sem Palestínumenn. Aðgerðir al-Qassam sveitanna, hernaðararms Hamas, eru viðbrögð við áratuga kúgun og árásum Ísraelshers á Palestínumenn, en yfirstandandi aðgerð kemur í kjölfar víðtækra árása ísraelskra landræningja á bændur og þorpsbúa á Vesturbakkanum, aukinnar spennu við Al-Aqsa moskuna vegna árása ísraelskrar lögreglu á trúariðkendur í hernumdu Austur-Jerúsalem og metfjölda drepinna Palestínumanna í Jenin flóttamannabúðunum og víðar. Ghasan Alyan, hershöfðingi í Ísraelsher, lýsti því yfir að Hamas samtökin hafi með aðgerð sinni „opnað hlið helvítis“ - þessi yfirlýsing er ódulbúin hótun um þær ógnvænlegu árásir sem munu dynja á íbúum Gazastrandarinnar. En orð hershöfðingjans eru engin nýlunda og segja okkur ekkert nýtt um það sem Ísraelsher getur og mun framkvæma. „Hlið helvítis “ hafa verið galopin - Ísraelar hafa búið Palestínumönnum helvíti á jörð í áratugi, studdir af ráðamönnum fjölmargra ríkja sem standa „rock solid“ - eins og Biden orðaði það - með glæpaher Ísraels Ísrael hefur kúgað og drepið Palestínumenn í áratugi og haldið Gazabúum í herkví frá 2006. Hamasliðarnir sem fóru inn í Ísrael vissu að þeir mundu ekki allir eiga afturkvæmt til Gaza - þeir fóru beint í gin ljónsins og þar beið þeirra dauðinn. En hvað bíður þeirra sem mögulega komast aftur til Gaza - áframhaldandi opið fangelsi sem býr við stöðugar dróna-, eldflauga- og sprengjuflugvélaárásir frá Ísrael - að horfa á börn sín og ættingja drepin í hundraðatali - að búa áfram bakvið fangelsismúrana. Í viðtali við ABC News sagði Blinken utanríkisráðherra Bandaríkjanna „að ekkert fólk ætti að búa við þann ótta að hryðjuverkamenn fari yfir landamæri, ryðjist inn á heimili fólks, skjóti það á götu úti“ - hann er auðvitað að tala um Ísraela. Hroki og heimska Blinkens er slík að hann fattar ekki að hann er að lýsa daglegu lífi Palestínumanna sem í áratugi hafa búið við þessar aðstæður. Ofer Cassif, einn af fjórum þingmönnum vinstrisinnaðra Hadash-bandalagsins á Knesset - þingi Ísraels - sagði í viðtali: „Við fordæmum og erum á móti hvers kyns árásum á saklausa borgara. En öfugt við ísraelsku ríkisstjórnina þýðir það að við erum á móti hvers kyns árásum á palestínska borgara líka. Við verðum að greina þessi hræðilegu atvik í réttu samhengi – og það er hernámið sem er orsökin.“ Ísraelska ríkisstjórnin styður, hvetur til og leiðir ofsóknir gegn Palestínumönnum. Það eru þjóðernishreinsanir í gangi. Benjamin Netanyahu hefur sakað Hamas um að hefja „grimmt og illt stríð“. En sannleikurinn er sá að Palestínumenn hafa ekki „byrjað“ á neinu. Þeim hefur tekist, eftir langa baráttu, að finna leið til að særa kvalara sinn. Þetta er í fyrsta skipti sem Palestínumönnum, sem eru fangar á Gazastrandlengjunni, tekst að svara Ísraelum svo undan svíði. Þeim stóð á sama Forystufólki Vesturlanda stóð á sama þegar Ísraelar settu tvær milljónir Palestínumanna á Gaza í herkví 2006 og haldið þeim í gíslingu í opnu fangelsi í bráðum tvo áratugi. Forystufólki Vesturlanda var sama þegar ísraelskar leyniskyttur skutu hjúkrunarfræðinga, ungmenni og fólk í hjólastólum sem mótmæltu fangelsun þeirra í herkví Ísraels. Mörg þúsund voru aflimuð eftir að leyniskyttur Ísraelshers fengu skipun um að skjóta mótmælendur í fætur eða ökkla. Leyniskytturnar drápu um 200 Gazabúa - forráðamenn Vesturlanda þögðu sem fyrr. Áhyggjur stjórnmálamanna Vesturlanda af dauða óbreyttra ísraelskra borgara af völdum palestínskra bardagamanna er einber hræsni. Hafa ekki mörg hundruð palestínsk börn dáið undanfarin 17 ár í ítrekuðum sprengjuherferðum Ísraela á Gaza? Eru líf þeirra ekki eins verðmæt og líf Ísraela – og ef ekki, hvers vegna ekki? Katrín Jakobsdóttir forsætisráðherra sagði í viðtali „Þetta er auðvitað algjörlega skelfilegt, þessar skelfilegu árásir sem Hamas réðust í í gærmorgun.“ Já, stríð er skelfilegt - en hvað um orsök stríðsins? Hefði formaður VG, sem styður málstað Palestínumanna skv. stefnuskrá, ekki betur sagt frá hvers vegna þetta gerist - hver er aðdragandinn - í stað þess að falla í fordæmingarkórinn? Þórdís Kolbrún Reykfjörð Gylfadóttir utanríkisráðherra „fordæmir árásir Hamas á Ísrael“ og segir „að ofbeldinu verði að linna. Fólk eigi rétt á friði og öryggi.“ Hvílík einfeldni, hún styður ofbeldisöflin og telur þau eiga að lifa í friði og öryggi! Friði til að fremja sín voðaverk og öryggi í skjóli fordæmingakórs stjórnmálamanna sem líkt og Kolbrún hafa haft árafjöld til að stöðva glæpi Ísraelsríkis -en í þess stað hefur þeim verið hampað með yfirlýsingum um sameiginleg gildi líkt og Ursula Von der Leyen, framkvæmdastjóri ESB, sagði. Palestínumenn hafa ekki lifað við frið og öryggi í áratugi - án þess að það trufli Þórdísi. Afstaða vestrænna stjórnvalda, einhliða fordæming á Hamas og stuðningur við Ísrael, sem á sök á átökunum, er í raun skotleyfi á íbúa Gaza. Blóðbaðið sem mun fylgja mun ekki þagga niður síbyljuna um að „Ísrael hafi rétt til að verja sig“. Og til að kóróna blóðbaðið þá lofa bæði Bandaríkin og Bretland að styðja Ísrael enn frekar með auknum vopnasendingum - til lands sem er búið öllum fullkomnustu vopnum sem völ er á. Barátta Palestínumanna er barátta fyrir mannréttindum, réttinum til að lifa í friði í landi sínu. Vesturlönd, með Bandaríkin í broddi fylkingar, stuðluðu að stofnun Ísraels í landi Palestínumanna og hafa í sjötúu og fimm ár stutt hryðjuverk síonista og sífellt landrán og þjóðernishreinsanir. Þegar litið er yfir sviðið og orð og gerðir vestrænna stjórnmálaforkólfa eru vegin og metin þá er erfitt að forðast þá hugsun að rasismi eigi hér hlut að máli. Er það svo? - svarið liggur í loftinu. Höfundur er formaður Félagsins Ísland - Palestína. Viltu birta grein á Vísi? Sendu okkur póst. Senda grein Ísrael Palestína Hjálmtýr Heiðdal Átök Ísraela og Palestínumanna Mest lesið Í skjóli hvíta bjargvættarins Yousef Ingi Tamimi Skoðun Við getum öll stutt við lesskilning barna - Gleðilegan dag læsis Auður Soffía Björgvinsdóttir Skoðun Þegar fólkið okkar langar að deyja Sigurborg Sveinsdóttir,Svava Arnardóttir Skoðun 7 símtöl í röð - en ekkert fer í gegn Gró Einarsdóttir Skoðun Lokun Leo Seafood - Afleiðing tvöföldunar veiðigjalda Sigurgeir B. Kristgeirsson Skoðun Kyn og vægi líkamans Gunnar Snorri Árnason Skoðun Ríkisstjórn lobbýistanna Jón Ferdínand Estherarson Skoðun Vörusvik Rafmenntar í nafni Kvikmyndaskóla Íslands og afleiðingar þeirra Böðvar Bjarki Pétursson,Friðrik Þór Friðriksson Skoðun Áttaviti í öldrunarþjónustu Gunnlaugur Már Briem Skoðun Bakslag í skoðanafrelsi? Kári Allansson Skoðun Skoðun Skoðun Vörusvik Rafmenntar í nafni Kvikmyndaskóla Íslands og afleiðingar þeirra Böðvar Bjarki Pétursson,Friðrik Þór Friðriksson skrifar Skoðun Fleiri átök = verri útkoma í lestri? Birgir Hrafn Birgisson skrifar Skoðun Biðin sem (enn) veikir og tekur Guðlaugur Eyjólfsson skrifar Skoðun Stafrænt netöryggisbelti Hrannar Ásgrímsson skrifar Skoðun Hvert stefnir ráðherra? Aðalsteinn Árni Baldursson skrifar Skoðun Free tuition Colin Fisher skrifar Skoðun Þegar fólkið okkar langar að deyja Sigurborg Sveinsdóttir,Svava Arnardóttir skrifar Skoðun Why protest works Adam Daniel Fishwick skrifar Skoðun Í senn minning og ákvörðun um framtíð Elliði Vignisson skrifar Skoðun Reynslunni ríkari eftir fjárhagsleg áföll síðustu ára Njáll Trausti Friðbertsson skrifar Skoðun Ríkisstjórn lobbýistanna Jón Ferdínand Estherarson skrifar Skoðun 7 símtöl í röð - en ekkert fer í gegn Gró Einarsdóttir skrifar Skoðun Áttaviti í öldrunarþjónustu Gunnlaugur Már Briem skrifar Skoðun Í skjóli hvíta bjargvættarins Yousef Ingi Tamimi skrifar Skoðun Að gjamma á stóra grábjörninn getur haft afleiðingar! Davíð Bergmann skrifar Skoðun Lokun Leo Seafood - Afleiðing tvöföldunar veiðigjalda Sigurgeir B. Kristgeirsson skrifar Skoðun Við getum öll stutt við lesskilning barna - Gleðilegan dag læsis Auður Soffía Björgvinsdóttir skrifar Skoðun Allir geta hjálpað einhverjum Árni Sigurðsson skrifar Skoðun Við erum ekki valdalausar. Við erum óbrjótandi Noorina Khalikyar skrifar Skoðun Vægið eftir sem áður dropi í hafið Hjörtur J Guðmundsson skrifar Skoðun Getur þjóð orðið of rík? – Ádeila frá Noregi sem getur átt við um Ísland Júlíus Valsson skrifar Skoðun Fólk í sárum veldur tárum Árni Sigurðsson skrifar Skoðun Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson skrifar Skoðun Akademískt frelsi og grátur í draumum Viðar Hreinsson skrifar Skoðun Skóli án aðgreiningar - tékklisti fyrir stjórnvöld til að gera betur Unnur Helga Óttarsdóttir,Anna Lára Steindal skrifar Skoðun Fjöldi kynja – treystir þú þér í samtalið með velferð barna að leiðarljósi? Böðvar Ingi Guðbjartsson skrifar Skoðun Ókeypis minnisblað fyrir Alþingi: Jafnrétti er ekki skoðun- en umræðan er það Sigríður Ásta Hauksdóttir skrifar Skoðun Segðu skilið við sektarkenndina Finnur Th. Eiríksson skrifar Skoðun Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius skrifar Skoðun Lög um vinnu og virknimiðstöðvar Atli Már Haraldsson skrifar Sjá meira
Fjöldi Ísraela og Palestínumanna liggur í valnum í átökum sem nú geysa í Ísrael og Palestínu og mun tala fallinna enn hækka á næstu dögum. Öll fórnarlömb átakanna eru fórnarlömb síonismans - jafnt Ísraelar sem Palestínumenn. Aðgerðir al-Qassam sveitanna, hernaðararms Hamas, eru viðbrögð við áratuga kúgun og árásum Ísraelshers á Palestínumenn, en yfirstandandi aðgerð kemur í kjölfar víðtækra árása ísraelskra landræningja á bændur og þorpsbúa á Vesturbakkanum, aukinnar spennu við Al-Aqsa moskuna vegna árása ísraelskrar lögreglu á trúariðkendur í hernumdu Austur-Jerúsalem og metfjölda drepinna Palestínumanna í Jenin flóttamannabúðunum og víðar. Ghasan Alyan, hershöfðingi í Ísraelsher, lýsti því yfir að Hamas samtökin hafi með aðgerð sinni „opnað hlið helvítis“ - þessi yfirlýsing er ódulbúin hótun um þær ógnvænlegu árásir sem munu dynja á íbúum Gazastrandarinnar. En orð hershöfðingjans eru engin nýlunda og segja okkur ekkert nýtt um það sem Ísraelsher getur og mun framkvæma. „Hlið helvítis “ hafa verið galopin - Ísraelar hafa búið Palestínumönnum helvíti á jörð í áratugi, studdir af ráðamönnum fjölmargra ríkja sem standa „rock solid“ - eins og Biden orðaði það - með glæpaher Ísraels Ísrael hefur kúgað og drepið Palestínumenn í áratugi og haldið Gazabúum í herkví frá 2006. Hamasliðarnir sem fóru inn í Ísrael vissu að þeir mundu ekki allir eiga afturkvæmt til Gaza - þeir fóru beint í gin ljónsins og þar beið þeirra dauðinn. En hvað bíður þeirra sem mögulega komast aftur til Gaza - áframhaldandi opið fangelsi sem býr við stöðugar dróna-, eldflauga- og sprengjuflugvélaárásir frá Ísrael - að horfa á börn sín og ættingja drepin í hundraðatali - að búa áfram bakvið fangelsismúrana. Í viðtali við ABC News sagði Blinken utanríkisráðherra Bandaríkjanna „að ekkert fólk ætti að búa við þann ótta að hryðjuverkamenn fari yfir landamæri, ryðjist inn á heimili fólks, skjóti það á götu úti“ - hann er auðvitað að tala um Ísraela. Hroki og heimska Blinkens er slík að hann fattar ekki að hann er að lýsa daglegu lífi Palestínumanna sem í áratugi hafa búið við þessar aðstæður. Ofer Cassif, einn af fjórum þingmönnum vinstrisinnaðra Hadash-bandalagsins á Knesset - þingi Ísraels - sagði í viðtali: „Við fordæmum og erum á móti hvers kyns árásum á saklausa borgara. En öfugt við ísraelsku ríkisstjórnina þýðir það að við erum á móti hvers kyns árásum á palestínska borgara líka. Við verðum að greina þessi hræðilegu atvik í réttu samhengi – og það er hernámið sem er orsökin.“ Ísraelska ríkisstjórnin styður, hvetur til og leiðir ofsóknir gegn Palestínumönnum. Það eru þjóðernishreinsanir í gangi. Benjamin Netanyahu hefur sakað Hamas um að hefja „grimmt og illt stríð“. En sannleikurinn er sá að Palestínumenn hafa ekki „byrjað“ á neinu. Þeim hefur tekist, eftir langa baráttu, að finna leið til að særa kvalara sinn. Þetta er í fyrsta skipti sem Palestínumönnum, sem eru fangar á Gazastrandlengjunni, tekst að svara Ísraelum svo undan svíði. Þeim stóð á sama Forystufólki Vesturlanda stóð á sama þegar Ísraelar settu tvær milljónir Palestínumanna á Gaza í herkví 2006 og haldið þeim í gíslingu í opnu fangelsi í bráðum tvo áratugi. Forystufólki Vesturlanda var sama þegar ísraelskar leyniskyttur skutu hjúkrunarfræðinga, ungmenni og fólk í hjólastólum sem mótmæltu fangelsun þeirra í herkví Ísraels. Mörg þúsund voru aflimuð eftir að leyniskyttur Ísraelshers fengu skipun um að skjóta mótmælendur í fætur eða ökkla. Leyniskytturnar drápu um 200 Gazabúa - forráðamenn Vesturlanda þögðu sem fyrr. Áhyggjur stjórnmálamanna Vesturlanda af dauða óbreyttra ísraelskra borgara af völdum palestínskra bardagamanna er einber hræsni. Hafa ekki mörg hundruð palestínsk börn dáið undanfarin 17 ár í ítrekuðum sprengjuherferðum Ísraela á Gaza? Eru líf þeirra ekki eins verðmæt og líf Ísraela – og ef ekki, hvers vegna ekki? Katrín Jakobsdóttir forsætisráðherra sagði í viðtali „Þetta er auðvitað algjörlega skelfilegt, þessar skelfilegu árásir sem Hamas réðust í í gærmorgun.“ Já, stríð er skelfilegt - en hvað um orsök stríðsins? Hefði formaður VG, sem styður málstað Palestínumanna skv. stefnuskrá, ekki betur sagt frá hvers vegna þetta gerist - hver er aðdragandinn - í stað þess að falla í fordæmingarkórinn? Þórdís Kolbrún Reykfjörð Gylfadóttir utanríkisráðherra „fordæmir árásir Hamas á Ísrael“ og segir „að ofbeldinu verði að linna. Fólk eigi rétt á friði og öryggi.“ Hvílík einfeldni, hún styður ofbeldisöflin og telur þau eiga að lifa í friði og öryggi! Friði til að fremja sín voðaverk og öryggi í skjóli fordæmingakórs stjórnmálamanna sem líkt og Kolbrún hafa haft árafjöld til að stöðva glæpi Ísraelsríkis -en í þess stað hefur þeim verið hampað með yfirlýsingum um sameiginleg gildi líkt og Ursula Von der Leyen, framkvæmdastjóri ESB, sagði. Palestínumenn hafa ekki lifað við frið og öryggi í áratugi - án þess að það trufli Þórdísi. Afstaða vestrænna stjórnvalda, einhliða fordæming á Hamas og stuðningur við Ísrael, sem á sök á átökunum, er í raun skotleyfi á íbúa Gaza. Blóðbaðið sem mun fylgja mun ekki þagga niður síbyljuna um að „Ísrael hafi rétt til að verja sig“. Og til að kóróna blóðbaðið þá lofa bæði Bandaríkin og Bretland að styðja Ísrael enn frekar með auknum vopnasendingum - til lands sem er búið öllum fullkomnustu vopnum sem völ er á. Barátta Palestínumanna er barátta fyrir mannréttindum, réttinum til að lifa í friði í landi sínu. Vesturlönd, með Bandaríkin í broddi fylkingar, stuðluðu að stofnun Ísraels í landi Palestínumanna og hafa í sjötúu og fimm ár stutt hryðjuverk síonista og sífellt landrán og þjóðernishreinsanir. Þegar litið er yfir sviðið og orð og gerðir vestrænna stjórnmálaforkólfa eru vegin og metin þá er erfitt að forðast þá hugsun að rasismi eigi hér hlut að máli. Er það svo? - svarið liggur í loftinu. Höfundur er formaður Félagsins Ísland - Palestína.
Við getum öll stutt við lesskilning barna - Gleðilegan dag læsis Auður Soffía Björgvinsdóttir Skoðun
Vörusvik Rafmenntar í nafni Kvikmyndaskóla Íslands og afleiðingar þeirra Böðvar Bjarki Pétursson,Friðrik Þór Friðriksson Skoðun
Skoðun Vörusvik Rafmenntar í nafni Kvikmyndaskóla Íslands og afleiðingar þeirra Böðvar Bjarki Pétursson,Friðrik Þór Friðriksson skrifar
Skoðun Við getum öll stutt við lesskilning barna - Gleðilegan dag læsis Auður Soffía Björgvinsdóttir skrifar
Skoðun Getur þjóð orðið of rík? – Ádeila frá Noregi sem getur átt við um Ísland Júlíus Valsson skrifar
Skoðun Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson skrifar
Skoðun Skóli án aðgreiningar - tékklisti fyrir stjórnvöld til að gera betur Unnur Helga Óttarsdóttir,Anna Lára Steindal skrifar
Skoðun Fjöldi kynja – treystir þú þér í samtalið með velferð barna að leiðarljósi? Böðvar Ingi Guðbjartsson skrifar
Skoðun Ókeypis minnisblað fyrir Alþingi: Jafnrétti er ekki skoðun- en umræðan er það Sigríður Ásta Hauksdóttir skrifar
Skoðun Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius skrifar
Við getum öll stutt við lesskilning barna - Gleðilegan dag læsis Auður Soffía Björgvinsdóttir Skoðun
Vörusvik Rafmenntar í nafni Kvikmyndaskóla Íslands og afleiðingar þeirra Böðvar Bjarki Pétursson,Friðrik Þór Friðriksson Skoðun