Hágæða lífrænar snyrtivörur eftir Rose-Marie Swift

Elira 13. október 2023 10:33

Rose Marie sem er 68 ára hefur slegið rækilega í gegn á samfélagsmiðlinum Tiktok og er með um 100 milljóna áhorf á miðlinum í gegnum merkið sitt

RMS beauty lífrænu förðunarvörurnar njóta mikilla vinsælda hjá versluninni Elira. Verslunin fagnar tveggja ára afmæli sínu um helgina og af því tilefni er 20% afsláttur af öllum vörum frá föstudegi til sunnudags, veglegir kaupaukar og kynningar bæði föstudag og laugardag.

Lífrænar förðunarvörur í hæsta gæðaflokki

RMS Beauty eru lífrænar förðunarvörur stofnaðar af Rose-Marie Swift árið 2009. Rose-Marie hefur starfað sem förðunarfræðingur í yfir 30 ár og meðal annars farðað fyrir Harper Bazar og Victorias Secret. Á þeim tíma áttaði hún sig á því að förðunarvörur ættu að vera mikið betri og með mikið betri innihaldsefni en þær voru ásamt því að hafa þá eiginleika að gera húðina betri. Þá hóf hún þá vegferð að koma förðunarmerki sínu á koppinn. Með dirfsku að vopni og óbilandi áhuga á að finna hrein hráefni sem virka vel og skila góðum árangri stofnaði hún RMS til að hreinsa til í iðnaðinum og setja hærra viðmið fyrir snyrti- og förðunarvörur.

Fallegar og góðar fyrir húðina

RMS vörurnar eru framleiddar úr hráum, lífrænum efnum með nýjustu tækni í snyrtigeiranum. Þær hafa einnig þann stórkostlega eiginleika að hægt er að nota þær á margskonar hátt, kinnalit sem varalit og Highlighter sem augnskugga og gloss. Vörurnar eru vel merktar innihaldsefnum og merkið hefur ekkert að fela. Merkið er vel meðvitað um umhverfismál en steig nýtt skref þegar það setti á markað fyrstu vöruna sína sem hægt væri að kaupa áfyllingu fyrir. Allar vörurnar eru án parabena, gluten, gervi ilmefna, GMO, sulfate, phthalates og talc. Vörurnar eru aldrei prufaðar á dýrum.

Heimsfræg á Tiktok á fullorðinsaldri

Rose Marie sem er 68 ára hefur slegið rækilega í gegn á samfélagsmiðlum og Tiktok og er með um 100 milljóna áhorf á miðlinum í gegnum merkið sitt. Hún sýnir á einfaldan og þægilegan hátt hvernig skal farða sig á öllum aldri. Hún vill ekki að þetta sé of flókið og að allir geti ýtt undir sína fegurð með hreinum og góðum vörum.

Fagleg ráðgjöf og góð þjónusta mikilvæg

RMS Beauty vörurnar færðu í versluninni Eliru í Smáralind. Verslunin selur einnig snyrtivörur frá Chanel, Augustinus Bader, Dr. Barbara Sturm, Nimya og Comfort Zone svo eitthvað sé nefnt.

Snyrtivöruverslunin leggur áherslu á ráðgjöf og góða þjónustu. „Úrvalið af húð- og snyrtivörum er mikið í dag og aðgengi að allskonar upplýsingum er ótæmandi. Því er mikilvægt að geta fengið faglega ráðgjöf um innihald og rétta notkun húð- og förðunarvara. Hér í Eliru vinna eingöngu lærðir snyrtifræðingar og förðunarfræðingar og við bjóðum einungis upp á hágæða snyrtivörur og förðunarvörur ásamt persónulegri þjónustu,“ segir Rakel Ósk Guðbjartsdóttir snyrtifræðingur og eigandi snyrtivöruverslunarinnar Elira.