Gáfu liðsrútu Dortmund stöðumælasekt fyrir utan St James' Park

Felix Nmecha skoraði eina mark leiksins á miðvikudaginn á lokamínútu fyrri hálfleiks. Með sigrinum jafnaði Dortmund Newcastle að stigum í F-riðli Meistaradeildarinnar.

Eftir leikinn fór myndband á flug á samfélagsmiðlum þar sem stöðumælavörður sást skrifa sektarmiða og setja framan á liðsrútu Dortmund sem var lagt í vegkantinum og tók ansi mikið pláss.

Dortmund tekur á móti Newcastle í næstu leikviku Meistaradeildarinnar og stöðumælaverðirnir þar í borg verða eflaust á tánum þegar kemur að því að fylgjast með liðsrútu Skjóranna.

Dortmund sætir Frankfurt heim í þýsku úrvalsdeildinni á sunnudaginn. Þeir gulu og svörtu eru í 4. sæti deildarinnar með tuttugu stig, tveimur stigum á eftir toppliði Bayer Leverkusen.