Fótbolti

Danir enn með fullt hús stiga í riðli Íslands

Hjörtur Leó Guðjónsson skrifar
Danir hafa unnið alla fjóra leiki sína í riðlinum.
Danir hafa unnið alla fjóra leiki sína í riðlinum. Maja Hitij/Getty Images

Danir eru enn með fullt hús stiga í riðli okkar Íslendinga í Þjóðadeild kvenna eftir 2-1 sigur gegn Wales í kvöld.

Amalie Vangsgaard kom danska liðinu yfir með marki á 28. mínútu áður en Sofie Bredgaard tvöfaldaði forystu liðsins rúmum tíu mínútum síðar.

Staðan í hálfleik því 2-0, en Jessica Fishlock minnkaði muninn fyrir velska liðið þegar tæpar tuttugu mínútur voru eftir af venjulegum leiktíma.

Reyndist það síðasta mark leiksins og niðurstaðan því 2-1 sigur Danmerkur. Danir eru því enn með fullt hús stiga í riðlinum eftir fjóra leiki, en Walesverjar eru enn án stiga.

Þjóðadeild kvenna í fótbolta

Mest lesið


Fleiri fréttir

Sjá meira


×

Mest lesið