Ísland
Noregur
Tindastóll
Keflavík
Grindavík
Haukar
Á bráðamóttökunni í Fossvogi er þessa stundina mikið álag og margir sem bíða eftir þjónustu. Það er því rík ástæða fyrir fólk sem er ekki í bráðri hættu að hringja fyrst í 1700 eða leita upplýsinga á netspjalli Heilsuveru áður en leitað er þangað.
Þetta kemur fram í tilkynningu á vefsíðu Landspítalans.
„Á bráðamóttökunni er forgangsraðað eftir bráðleika. Við aðstæður eins og nú eru getur fólk sem ekki er í bráðri hættu því þurft að bíða lengur en annars eftir þjónustu. Ef því verður mögulega við komið er þess vegna æskilegt að reyna að leita annað,“ segir í tilkynningunni.
Þetta er í þriðja sinn á innan við fjórum vikum sem Landspítalinn sendir frá sér sambærilega tilkynningu vegna álags.
Mikið álag er á bráðamóttökunni í Fossvogi stundina. Þar bíða margir eftir þjónustu.
