Lífið

Brook­lyn Nine-Nine-stjarnan lést úr lungna­krabba­meini

Rafn Ágúst Ragnarsson skrifar
Hann hafði greinst með krabbamein í lungum fyrir stuttu og var aðeins 61 árs að aldri.
Hann hafði greinst með krabbamein í lungum fyrir stuttu og var aðeins 61 árs að aldri.

Bandaríski leikarinn Andre Braugher, frægur fyrir að hafa farið með hlutverk varðstjórans Raymond Holt í vinsælu gamanþáttunum Brooklyn Nine-Nine, lést úr lungnakrabbameini. Hann féll frá þann 11. desember síðastliðinn, 61 árs að aldri.

Samkvæmt Variety greindist hann með krabbamein í lungum fyrir stuttu. Í kjölfar andláts hans birtu margir fyrrverandi samleikarar og -starfsfólk færslur þar sem þeir minntust hans.

Leikkonan Melissa Fumero sem lék ásamt Andre í Brooklyn 99 minntist hans á samfélagsmiðlum.

„Ég mun muna eftir öllum ráðunum sem þú gafst mér. Ég mun muna eftir öllum þeim skiptum sem við hlógum saman því hláturinn þinn var meðal bestu hlátra sem hafa nokkurn tímann verið til. Ég mun muna eftir þeirri miklu ást og tryggð sem þú sýndir fjölskyldunni þinni. Ég mun minnast þess hvert skipti sem ég hliðra vinnunni til að vera með fjölskyldunni minni,“ skrifar hún

Braugher lætur eftir sig eiginkonu sína Ami Brabson og þrjú börn.

Bandaríkin Bíó og sjónvarp Hollywood

Tengdar fréttir

Brooklyn Nine-Nine-stjarna látin

Bandaríski leikarinn Andre Braugher, sem þekktastur er fyrir hlutverk sitt í gamanþáttunum Brooklyn Nine-Nine, er látinn. Hann varð 61 árs gamall.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.