„Hann er ekki lengur sá Michael sem hann var“

Þann 29. desember næstkomandi verða tíu ár liðin frá því að Schumacher lenti í alvarlegu skíðaslysi. Hann hefur ekki sést opinberlega síðan þá og dvelur á heimili sínu í Genf í Sviss þar sem læknateymi og fjölskylda annast hann. 

Lítið er vitað um ástand Schumacher og það þykir alltaf fréttnæmt þegar einhver nákominn honum tjáir sig um það. Og það hefur Todt nú gert. 

„Michael er hér svo við söknum hans ekki. En hann er ekki sá Michael sem hann var. Hann er öðruvísi og fjölskylda hans verndar hann,“ sagði Todt sem var framkvæmdastjóri Ferrari þegar Schumacher vann fimm heimsmeistaratitla í röð (2000-04).

„Líf hans er öðruvísi núna og ég nýt þeirra forréttinda að verja tíma með honum. Það er ekkert meira að segja. Því miður gripu örlögin inn í fyrir áratug. Hann er ekki lengur sá Michael sem við þekktum í Formúlu 1.“

Schumacher varð sjö heimsmeistari í Formúlu 1. Enginn hefur unnið heimsmeistaratitilinn oftar en hann.