Legó á spottprís gleður flesta

Markaðurinn Smáratorgi 22. desember 2023 11:14

Nýr markaður opnaði nýlega í gamla vöruhúsi Heimkaupa á Smáratorgi. Þar er lögð áhersla á gjafavörur fyrir jólin, eins og ýmsar jólavörur, búsáhöld og vörur fyrir heimilið, snjallryksugur, sjónvörp, fótboltavörur, Nespresso kaffivélar og önnur raftæki, leikföng og margt fleira á miklum afslætti. H. Smári Gröndal er verkefnastjóri hjá Markaðnum.

Fyrr í desember var opnaður nýr markaður sem selur lagervörur frá hinum ýmsu birgjum og verslunum. Markaðurinn er í gamla vöruhúsi Heimkaupa á Smáratorgi. Þar má finna allt frá Lego vörum á 200 krónum til snjallryksuga og sjónvarpa á sannkölluðu lagerverði.

Í desember hefur áherslan verið á gjafavörur fyrir jólin en hægt er að finna ýmsar jólavörur, búsáhöld og vörur fyrir heimilið, snjallryksugur, sjónvörp, fótboltavörur, Nespresso kaffivélar og önnur raftæki, leikföng, og margt fleira á miklum afslætti.

Markaðurinn býður upp á mjög gott úrval af Lego vörum.

Nýjar vörur berast daglega og er því fyllt á hillurnar jafnóðum. Meðal þeirra vörumerkja sem hægt er að finna á lagersölunni eru vörur frá Bosch, Philips, LG, Nespresso, Iittala, Loreal, Nivea, Maybelline, United, Oroblu og Webers og mikið úrval af Lego leikföngum.

Hægt er að gera góð kaup m.a. á gjafavörum, jólavörum og vörum fyrir heimilið.

H. Smári Gröndal er verkefnastjóri hjá Markaðnum en hann hefur staðið vaktina frá því hann opnaði í síðustu viku. Hann segir aðdragandann að opnuninni hafa verið stuttan. „Við ákváðum með stuttum fyrirvara að slá til og opna Markaðinn hér á Smáratorgi og bjóða fólki að gera hagstæð kaup á hinum ýmsu vörum. Við fengum í lið með okkur nokkra öfluga birgja, bæði heildsölur og verslanir, sem hafa verið að koma með nýjar vörur daglega frá opnun.“

„Fjölbreytnin í vöruúrvali er sífellt að aukast, þó Legoið sem er á spottprís hafi komið flestum skemmtilega á óvart og gleðji mest,“ segir H. Smári Gröndal.

Margir hafa tekið Markaðnum fagnandi, ekki síst vegna þess að margt fólk hefur minna milli handanna þetta árið vegna efnahagsástandsins að sögn H. Smára. „Viðtökur hafa verið frábærar og margir hafa náð að gera mjög hagstæð jólainnkaup. Fjölbreytnin í vöruúrvali er sífellt að aukast, þó Legoið sem er á spottprís hafi komið flestum skemmtilega á óvart og gleðji mest. En það er einstaklega gaman að sjá hvað fólk er ánægt þegar það gengur út frá okkur með fulla poka af jólagjöfum.“

Markaðurinn er opinn frá kl. 10-22 fram að jólum og er inngangurinn á efra bílastæðinu á móti Smáralind.

Verslun Jól