Doncic og félagar höfðu yfirhöndina frá upphafi til enda og skoruðu hvorki meira né minna en 47 stig í fyrsta leikhluta gegn 30 stigum gestanna. Heimamenn máttu því alveg við því að Oklahoma-liðið myndi vinna annan leikhluta með átta stiga mun og staðan var því 71-62, Dallas Mavericks í vil, þegar flautað var til hálfleiks og liðin gengu til búningsherbergja.
Heimamenn héldu svo áfram að byggja upp forskot sitt í seinni hálfleik og leiddu mest með 41 stigi. Sigur þeirra var því aldrei í hættu og Dallas Mavericks fagnaði að lokum 35 stiga sigri, 146-111.
Luka Doncic var sem áður segir stigahæsti maður vallarins með 32 stig, en hann tók einnig átta fráköst og gaf níu stoðsendingar. Næstur á eftir honum kom Kyrie Irving með 25 stig. Í liði gestanna var Shai Gilgeous-Alexander atkvæðamestur með 25 stig.
🏀 SATURDAY'S FINAL SCORES 🏀
— NBA (@NBA) February 11, 2024
Luka Doncic scores 32, including 18 in the 1Q, as the new-look @dallasmavs get the win to make it 4 in a row!
Kyrie Irving: 25 PTS, 6 REB, 8 AST
Daniel Gafford (Mavs debut): 19 PTS, 9 REB pic.twitter.com/GjaZnBft7n
Hetjudáðir Steph Curry
Í viðureign Golden State Warriors og Phoenix Suns var hins vegar heldur meiri spenna. Ekkert virtist geta skilið liðin að og sést það best á því að 16 sinnum var jafnt í leiknum og 16 sinnum skiptust liðin á að hafa forystuna.
Gestirnir frá Phoenix leiddu með tveimur stigum þegar rétt rúmar þrjár sekúndur voru eftir af leiknum, en skot Steph Curry lengst utan af velli rataði í körfuna þegar 0,7 sekúndur voru eftir og heimamenn fögnuðu því dramatískum eins stigs sigri, 113-112.
STEPHEN CURRY GIVES THE WARRIORS THE 113-112 LEAD IN THE 4Q WITH .7 SECONDS LEFT ON THE CLOCK 😱
— NBA (@NBA) February 11, 2024
Suns-Warriors | LIVE on ABC pic.twitter.com/WfxMXpvOUm
Úrslit næturinnar
Oklahoma City Thunder 111-146 Dallas Mavericks
Detroit Pistons 106-112 Los Angeles Clippers
San Antonio Spurs 103-123 Brooklyn Nets
Philadelphia 76ers 119-113 Washington Wizards
Chicago Bulls 108-114 Orlando Magic
Memphis Grizzlies 106-115 Charlotte Hornets
Cleveland Cavaliers 119-95 Toronto Raptors
Indiana Pacers 125-111 New York Knicks
Houston Rockets 113-122 Atlanta Hawks
Phoenix Suns 112-113 Golden State Warriors
New Orleans Pelicans 93-84 Portland Trailblazers