Spretthlaup frá grænmetisdeildinni niður í leikfangadeild

Hagkaup 17. febrúar 2024 09:12

Viðskiptavinir Hagkaups tóku hressilega á því á morgunæfinu á Heilsudögum Hagkaups

Í tilefni Heilsudaga bauð Hagkaup í samstarfi við COLLAB upp á morgunæfingu með Söndru Helgadóttur í Hagkaup Smáralind laugardaginn 3. febrúar. Æfingin var virkilega skemmtileg og braut svo sannarlega upp á laugardaginn í búðinni.

Sanda Helgadóttir stýrði æfingunni og hvatti fólk áfram.

„Ég stillti æfingunni upp sem stöðvaþjálfun þar sem það voru 8 stöðvar sem við fórum í gegnum og ein æfing var einmitt spretthlaup frá grænmetisdeildinni alveg niður í leikfangadeildina og til baka sem var ótrúlega skemmtilegt," segir Sandra og hlær en hún leiddi æfinguna sem einkenndist af léttum og skemmtilegum æfingum um verslunina.

Sandra hefur þjálfað í 15 ár og átti ekki í miklum vandræðum með að bjóða fólki uppá fjölbreytta hreyfingu.

„Ég hef þjálfað í 15 ár og stofnaði Absolute Training fyrir 5 árum síðan og hefur COLLAB fylgt mér á hverjum degi síðan það kom fyrst á markað og er orðinn ómissandi partur af deginum mínum.

Ég var því virkilega spennt þegar ég fékk símtalið um hvort ég gæti stýrt morgunæfingu inni í Hagkaup Smáralind," segir Sandra.

Æfingin var skemmtileg og fyrir alla aldurshópa og var mikil stemming í fólkinu fyrir að sprikla um gólf græmetisdeildar verslunarinnar.

Þessi skemmilega uppákoma var virkilega vel heppnuð og í lok æfingar var boðið uppá léttar veitingar og COLLAB fyrir þátttakendur sem stóðu sig einstaklega vel þennan laugardagsmorguninn.