Oppenheimer sigur­sæl á SAG-verðlaunahátíðinni

Ekki eru veitt verðlaun fyrir bestu myndina á SAG og eru því talið mesti heiðurinn að fá verðlaun fyrir best skipað í hlutverk [e. Best film cast].

Fram kemur í frétt BBC um verðlaunahátíðina að fjölmargir hafi fjallað um SAG-verkfallið í ræðum sínum og áhrif þess á kvikmynda- og sjónvarpframleiðslu í fyrra.

Önnur sem unnu til verðlauna eru til dæmis leikkonan fyrir leik sinn í kvikmyndinni Killers of the Flower Moon en hún sagði í ræðu sinni að liðið ár hefði verið erfitt og að hún væri þakklát fyrir samstöðuna sem þau hefðu sýnt í verkfallinu.

Leikkonan Da'Vine Joy Randolph vann verðlaun sem besta leikkona í aukahlutverki í kvikmynd. Einnig eru veitt verðlaun fyrir sjónvarpsþætti á verðlaununum og fengu þau Ayo Edebiri og Jeremy Allen verðlaun fyrir leik sinn í The Bear og vann Elizabeth Debicki verðlaun sem besta drama leikkonan fyrir leik sinn sem Díana prinsessa í The Crown.

The Bear voru valdir bestu grínþættirnir og Succession bestu drama þættirnir.

Að vanda voru þau heiðruð sem féllu frá síðastliðið ár en það voru Matthew Perry, Harry Belafonte, Sir Michael Gambon, Tina Turner, Angus Cloud, Glenda Jackson, Alan Arkin, Julian Sands, Lance Reddick, Lee Sun-kyun, Tom Wilkinson, Andre Braugher og Chita Rivera.

Verðlaununum var streymt á Netflix í fyrsta sinn og var Idris Elba kynnir hátíðarinnar. Hann grínaðist með það að fyrst ekki væri verið að streyma hátíðinni í sjónvarpinu mættu leikararnir blóta í ræðum sínum en þó „ekki eins og í Succession“.

„Viðmiðið er að segja ekkert sem þú myndir ekki segja fyrir framan Opruh.“

Leikkonan Jennifer Aniston og leikarinn Bradley Cooper afhentu Barböru Streisand viðurkenningu fyrir ævistarf sitt í kvikmyndum.